Qutqarýshylar Almaty taýlarynda joǵalyp ketken aýstralııalyq týrısttiń óli denesin tapty, dep habarlaıdy "Adyrna" portaly.
Máıit Aıýsaı shatqalyndaǵy birinshi sarqyramanyń janynan tabyldy.
Aldyn ala málimet boıynsha, 21 mamyrda 1995 jyly týǵan Aýstralııa azamaty Úlken Almaty shatqalyna qaraı taýǵa shyqqan.
Joǵalǵan azamattyń áriptesi olardyń Almatyǵa 20 mamyr kúni tańerteń týrızm maqsatynda kelgenin aıtty. 22 mamyrda saǵat 7:00-de týrıster qaıtyp ushyp ketýi kerek edi.
Polıııaǵa Aýstralııa azamatymen bir jataqhanada turatyn Reseı azamaty habarlasqan.
Týrısti izdeýge Respýblıkalyq jedel-qutqarý jasaǵynyń qutqarýshylarynyń (RJQJ) jedel toby 6 adam jáne 1 kınologııalyq brıgada jiberildi.
"Saǵat 23:40-ta olar izdeýge kiristi. 2:40-ta RJQJ qyzmetkerleri men polıeıler Kosmostanııasyna kóterilip, betkeılerdi tekserdi. Olar tómen túsip, qubyrdyń oń jáne sol jaǵyn tekserdi. Úlken Almaty kólinde túnde aýa raıy qolaısyz boldy, jańbyr jaýyp, qar jaýyp, qatty jel soqty», - dep habarlady baspasóz qyzmeti.
Qutqarýshylar eki topqa bólindi: biri Aıýsaı shatqaly baǵytynda, ekinshisi Prohodnoe shatqaly baǵytynda izdeýge shyqty. Izdeý jumystary kúndiz aýa raıynyń qolaısyz jaǵdaıynda júrgizildi.
Saǵat 15:48-de Tótenshe jaǵdaılar mınıstrligi TJD Jedel-qutqarý jasaǵynyń bastyǵy Arystanbaev Baýyrjan spýtnık arqyly RJQJ qutqarýshylary Almaty qalasy ákimdiginiń avarııalyq-qutqarý jumystary qyzmetiniń qutqarýshylarymen birlese otyryp, deneniń tabylǵany týraly aqparatty jetkizdi. Aıýsaı shatqalyndaǵy birinshi sarqyramanyń janynan máıitti tapty.
"Adyrna" ulttyq portaly
