الماتىدا 31 مامىر كۇنى ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان «تاريحقا تاعزىم» اتتى كونتسەرت وتەدى. ءىس-شارانى قر مادەنيەت جانە سپورت مينيسترلىگىنىڭ قولداۋىمەن جامبىل اتىنداعى قازاق مەملەكەتتىك فيلارمونياسى ۇيىمداستىرىپ وتىر.
كونتسەرتتە قازاقستاننىڭ ەڭبەك سىڭىرگەن ءارتىسى ر. ستامعازيەۆ، قازاقستاننىڭ ەڭبەك سىڭىرگەن قايراتكەرلەرى س. جانپەيىسوۆا، ا. يساتاەۆا، ە. شۇكىمانوۆ، ن. جانپەيىسوۆ، ن. ءاشىروۆ، ب. مىقتىباەۆ، قازاقستاننىڭ مادەنيەت قايراتكەرى م. ابۋعازى، سونداي-اق مادەنيەت سالاسىنىڭ ۇزدىكتەرى مەن رەسپۋبليكالىق جانە حالىقارالىق بايقاۋلاردىڭ لاۋرەاتتارى ونەر كورسەتەدى.
كونتسەرت «سازگەن سازى» فولكلورلى-ەتنوگرافيالىق ءانسامبلىنىڭ سۇيەمەلدەۋىمەن وتەدى.كونتسەرتتىك باعدارلامادا ساياسي قۋعىن-سۇرگىن قۇرباندارىنىڭ اندەرى جانە تاقىرىپقا ساي اندەر ورىندالادى.
باستى ماقسات – ۇلت قايراتكەرلەرىنىڭ ەسىمىن ۇلىقتاپ، شىعارمالارىن جان-جاقتى ناسيحاتتاۋ بولىپ تابىلادى.
وتەتىن ورنى: جامبىل اتىنداعى قازاق مەملەكەتتىك فيلارمونياسىنىڭ ۇلكەن زالى
