جەلى بەلسەندىسى ەرلان مازان ءوزىنىڭ Facebook پاراقشاسىنا قازاقستان جەرىنىڭ قىتايعا ساتىلىپ جاتقانىن جازدى، دەپ حابارلايدى “ادىرنا” ۇلتتىق پورتالى.
جازبادا، قىتاي سايتىنىڭ سۋرەتى دە جاريالانعان.
ويدا-جوقتا قىتايداعى جەر جالداۋ سايتىنا تاپ بولىپ، تاڭقالدىم. الگى جەر كودەكسى ارقىلى شەتەلدىكتەرگە جالعا بەرىلمەيتىن بولىپ شەشىلگەن اۋىلشارۋاشىلىق ماقساتىنداعى قازاقتىڭ جەرى ول سايتتا ارزان باعامەن اشىق ساۋداعا سالىنىپ جاتىر. بۇل ەندى بارىپ تۇرعان باسسىزدىق قوي! - دەدى جازبا اۆتورى.
بۇل ماسەلەگە اۋىل شارۋاشىلىعى مينيسترلىگى دە ءۇن قاتتى. ۆەدومستۆونىڭ ءباسپاسوز حاتشىسى دامير اسپان Facebook پاراقشاسىندا جاۋاپ بەردى.
“وتتاماسىن! الاقانداي جەر بولسا دا شەتەلدىكتەرگە ساتىلمايدى جانە جالعا دا بەرىلمەيدى! قر جەر كودەكسىنىڭ 24-بابىنا ساي اۋىل شارۋاشىلىعى ماقساتىنداعى جەر ۋچاسكەلەرiن شەتەلدىكتەرگە بەرۋگە قاتاڭ تىيىم سالىنعان.
ءتىپتى شەتەلدىكتەرمەن نەمەسە ازاماتتىعى جوق ادامدارمەن نەكەدە تۇرعان قازاقستان ازاماتتارىنا جەر بەرىلمەيدى!» - دەدى ول
ارتىنشا جەر كوميتەتىنىڭ توراعاسى – قر جەردى پايدالانۋ مەن قورعاۋ جونىندەگى باس مەملەكەتتىك ينسپەكتورى مۇرات تەمىرجانوۆ تا ءوز جاۋابىن جازدى.
الەۋمەتتىك جەلىدە جاريالانعان قىتاي ەلىنىڭ سايتىنداعى قازاقستان اۋماعىنداعى جەرلەردىڭ ساتىلاتىندىعى تۋرالى اقپارات جالعان ەكەندىگىن مالىمدەيمىز. سونىمەن قاتار، كودەكستىڭ 38-بابىنىڭ 5-تارماعىنا سايكەس جەكە جانە زاڭدى تۇلعالارعا ۋاقىتشا جەر پايدالانۋ قۇقىعىمەن تيەسiلi اۋىل شارۋاشىلىعى ماقساتىنداعى جەر ۋچاسكەلەرiن اۋىل شارۋاشىلىعى ءوندiرiسiن جۇرگiزۋ ءۇشiن كەيiنگi جەر پايدالانۋعا (سۋبارەنداعا) بەرۋگە جول بەرiلمەيدi.
ەگەر كەز كەلگەن سۋبەكتىلەر تاراپىنان اتالعان زاڭ نورمالارىن بۇزۋ دەرەكتەرى انىقتالعان جاعدايدا ولارعا جول بەرگەن سۋبەكتىلەر زاڭناما تالاپتارىنا سايكەس جاۋاپقا تارتىلادى جانە بۇل ماسەلە مينيسترلىكتىڭ تۇراقتى باقىلاۋىندا»، - دەدى مۇرات تەمىرجانوۆ.
