جۋرناليست، وپپوزيتسيانىڭ بەلدى وكىلى جانبولات مامايدىڭ جاعدايى كۇرت ناشارلاپ، جانساقتاۋ بولىمىنە اۋىستىرىلعانى ايتىلدى. بۇل تۋرالى ونىڭ جارى ينگا يمانباي جازدى، دەپ حابارلايدى "ادىرنا" ۇلتتىق پورتالى.
بۇگىن كەشقۇرىم بەلسەندى جانبولات مامايدىڭ جاعدايى بۇگىن كۇرت ناشارلاپ، ونى جانساقتاۋ بولىمىنە اۋىستىرعان.
بەلسەندىنىڭ ايەلى ينگا يمانبايدىڭ ايتۋىنشا، جانبولات مامايدىڭ دەنەسىن قىزىل بورتكەن باسىپ كەتكەن. “ەشتەڭە كومەكتەسپەي جاتىر” دەپ جازدى ينگا يمانباي دەنساۋلىق ساقتاۋ مينيسترلىگى مەن ومبۋدسمەنگە باعىتتاعان جازباسىندا.
- دەنساۋلىق ساقتاۋ مينيسترلىگى مەن ادام قۇقىعى جونىندەگى ومبۋدسمەن نازارىنا.اۋرۋحانادا جاتقان جانبولات مامايدىڭ جاعدايى بۇگىن كۇرت ناشارلاپ، ونى جانساقتاۋ بولىمىنە اۋىستىرىپ جاتىر. بۇگىن ونىڭ دەنەسىن قىزىل بورتكەن باسىپ كەتىپ، ەشتەڭە كومەكتەسپەي جاتىر، - دەدى بەلسەندىنىڭ جارى.
وسىدان بىرنەشە كۇن بۇرىن، 17 مامىردا، ينگا يمانباي كۇيەۋىنىڭ الماتى قالاسىنىڭ جۇقپالى اۋرۋحاناسىنا جاتقىزىلعانىن حابارلاعان.
“ونىڭ 11 مامىردان باستاپ قىزۋى كوتەرىلىپ، مازاسى بولماي ءجۇردى. وعان دەيىن 5 مامىردا مەديتسينالىق تەكسەرۋدەن وتكەن ەدى. تالداۋ ناتيجەلەرى جاقسى بولعان. 5 كۇن ىشىندە وعان نە بولعانىن ازىرگە بىلمەيمىز” دەپ جازدى.ونىڭ ايتۋىنشا، بالاcى دا اكەسىنە ۇقساس بەلگىلەرىمەن اۋرۋحاناعا تۇسكەن. وپپوزيتسيونەر جانبولات ماماي 10 ساۋىردە كۇنى التى جىل شارتتى جازا كەسىلگەن ەدى. وعان قاڭتار وقيعاسى كەزىندە "جاپپاي تارتىپسىزدىك ۇيىمداستىردى", "بيلىك وكىلىن قورلادى", "جالعان اقپارات تاراتتى" دەگەن ايىپتار تاعىلدى. سونىمەن قاتار، جۋرناليستىك جانە قوعامدىق ساياسي جۇمىستارمەن اينالىسۋعا تىيىم سالىندى. بەلسەندى وزىنە تاعىلعان ايىپتاردىڭ بىردە-ءبىرىن مويىندامادى، مۇنىڭ استارىندا ساياسي پالەقورلىق بار دەپ سانايتىندىعىن جەتكىزدى.
"ادىرنا" ۇلتتىق پورتالى
ۇقساس جاڭالىقتار
