وڭىرلىك كوممۋنيكاتسيالار قىزمەتى الاڭىندا تالاس اۋدانىنىڭ اكىمى نۇربول جۇنىسبەكوۆ پەن قاراتاۋ قالاسىنىڭ اكىمى دارحان بايمبەتوۆ باق وكىلدەرىمەن ءباسپاسوز كونفەرەنتسياسىن وتكىزدى. تالاس اۋدانىندا 2023 جىلدىڭ قاڭتار-ءساۋىر ايلارىندا نەگىزگى كاپيتالعا سالىنعان ينۆەستيتسيالاردىڭ جالپى كولەمى 1 ملرد. 781 ملن. 700 مىڭ تەڭگەنى قۇراپ، 2022 جىلدىڭ قاڭتار-ءساۋىر ايلارىمەن سالىستىرعاندا 55,0%-عا نەمەسە 1 ملرد. 458 ملن.تەڭگەگە كەم ورىندالعان. بۇل كورسەتكىشتى اۋدان اكىمى «تالاس ينۆەستمەنت كومپاني» جشس زاۋىتىنىڭ قۇرىلىسىنىڭ كەش باستالۋىنان جانە «كاراتاۋ كەميكالس» جشس قۇرال جابدىقتارىنىڭ كەش كەلۋىمەن بايلانىستىردى. اۋداندا 2022-2025 جىلدارعا 49,8 ملرد تەنگەنىڭ 8 ءىرى جوباسى جوسپارلانعان. وندا 617 ادام جۇمىسپەن قامتىلماق.
«اۋىل شارۋاشىلىعى ءونىمى قاڭتار-ءساۋىر ايلارىندا 3 ملرد. 690 ملن. 800 مىڭ تەڭگەگە ءوندىرىلىپ، 2022 جىلدىڭ قاڭتار-ءساۋىر ايلارىمەن سالىستىرعاندا 95,6%-عا نەمەسە 171 ملن. 300 مىڭ تەڭگەگە كەم ورىندالدى. (2022 جىلى 3 ملرد. 851 ملن. 700 مىڭ تەڭگە). ناقتى كولەم يندەكسى 101,2%-دى قۇرادى. اعىمداعى جىلدىڭ 4 ايى بويىنشا مىق- 36086 باس، قوي-ەشكى- 500441 باس، جىلقى – 16051 باس، تۇيە – 2557 باس، شوشقا - 212 باس، ءۇي قۇستارى – 39950 باس بولىپ وتىر. مىق 100,3%-دى، قوي-ەشكى 100,6%-دى، جىلقى 101,7%-دى، تۇيە–101,1%-دى، شوشقا 105,0%-دى، ءۇي قۇستارى 100,4%-دى قۇراپ وتىر. 4 اي بويىنشا مال مەن قۇس ەتى (تىرىدەي سالماعىمەن) – 3418,4 توننا، ءسۇتى – 1867,0 توننا، الىنعان تاۋىق جۇمىرتقالارى – 736,0 مىڭ دانا. بۇل وتكەن جىلعى وسى ۋاقىتتاعى كورسەتكىشتەرمەن سالىستىرعاندا:ەت 101,2%-دى، ءسۇت 101,6%-دى، جۇمىرتقا 100,5%-دى قۇراعان. ەگىس- دالا جۇمىستارى جايلى. 2023 جىلدىڭ ءونىمى ءۇشىن بارلىعى 14195 گەكتار القاپقا اۋىلشارۋاشىلىعى داقىلدارى ورنالاستىرىلادى جانە 953 گا پار دايىندالادى. ياعني، بارلىق ەگىستىك جەردىڭ 72% يگەرىلەدى. ونىڭ ىشىندە: كۇزدىك بيداي 5000 گەكتار جانە بۇرىنعى جىلدارداعى كوپجىلدىق ءشوپ 4465 گەكتاردى قۇرايدى. كوكتەم ايلارىندا 4730 گا جەرگە اۋىل شارۋاشىلىعى داقىلدارىن ەگۋ جوسپارلانعان. ونىڭ ىشىندە: 1600 گەكتار جازدىق ارپا، 500 گەكتار داندىك جۇگەرى، 750 گەكتار ماقسارى، 50 گەكتار كۇنباعىس، 130 گەكتار كارتوپ، 300 گەكتار باقشا، 200 گەكتار كوكونىس جانە 1200 گەكتار كوپجىلدىق ءشوپ. بۇگىنگى كۇنگە 4282 گەكتار جەرگە اۋىل شارۋاشىلىعى داقىلدارى ورنالاستىرىلدى.ونىڭ ىشىندە: 1600 گەكتار جازدىق ارپا، 750 گەكتار ماقسارى، 50 گەكتار كۇنباعىس، 130 گەكتار كارتوپ، 240 گەكتار باقشا، 150 گەكتار كوكونىس جانە 1200 گەكتار كوپجىلدىق ءشوپ. سونىمەن قاتار، 62 گەكتار قانت قىزىلشاسى سەبىلدى. اۋىلشارۋاشىلىعى تەحنيكالارىن جاڭالاۋ تۋرالى. 2023 جىلدىڭ 4 ايىندا اۋدان بويىنشا بارلىعى 88,1 ملن.تەڭگەگە
4 بىرلىك تراكتور جانە 12 بىرلىك ءارتۇرلى اۋىل شارۋاشىلىعى تەحنيكالارى ساتىپ الىندى. جوسپار 2,1 پايىزعا ورىندالدى. 2023 جىلعا جاڭارۋ جوسپارى 93 بىرلىك (12%).»،-دەپ اتاپ ءوتتى نۇربول جۇنىسبەكوۆ.
ال، قاراتاۋ قالاسىندا 2023-2027 جىلدار ارالىعىندا قالاداعى توزىعى جەتكەن 51 كوشەگە ورتاشا جوندەۋ جۇمىستارىن جۇرگىزۋ جوسپارلانىپ وتىر. اعىمداعى جىلعا جوسپارلانعان 6 كوشەنىڭ العاشقى 2 كوشەسىنە ورتاشا جوندەۋ جۇمىستارى جۇرگىزىلىپ، تولىقتاي اياقتالدى. سونداي-اق، ودان بولەك 2 كوشەگە (شاحتەرسكي جانە ب.مومىشۇلى) قايتا جاڭعىرتۋ جۇمىستارى جۇرگىزىلمەك. بۇل تۋرالى قاراتاۋ قالاسىنىنىڭ اكىمى دارحان بايمبەتوۆ مالىمدەدى.
«قالانىڭ تابيعي گازبەن قامتىلۋ دەڭگەيى – 7 532 نەمەسە 91,33 پايىز;
اۋىز سۋ جۇيەلەرىنىڭ ۇزىندىعى - 128,0 شاقىرىمدى قۇرايدى. قالادا اۋىز سۋ تولىقتاي قامتاماسىز ەتىلگەن. تەك قالانىڭ شەتكى بولىگىندە ورنالاسقان «فلورا»، «دوستىق»، «سترويتەلنىي» ساياجايلارىندا اۋىز سۋ جوق. اۋىز سۋ تارتۋ ماسەلەسى بويىنشا جوبالىق-سمەتالىق قۇجاتتامالارى ازىرلەنگەن. اۋدان اكىمدىگىنىڭ تۇرعىن ءۇي كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ تاراپىنان بيۋدجەتتىك ءوتىنىم بەرىلگەن. اۋىز سۋ تارتۋ جۇمىستارى 2024 جىلعا جوسپارلانعان.
كارىز جۇيەسى - 72,5 شاقىرىمدى قۇرايدى. قالا اۋماعىنداعى تازالىقتاردى جۇيەلەندىرۋ ءۇشىن كارىز تازارتۋ ستانتسياسىن ورناتۋ قاجەت.
جىلۋ قۇبىرلارى - 28,9 شاقىرىم. ونىڭ ىشىندە 7,1 ماگيسترالدىق جىلۋ قۇبىرى. بۇگىنگى كۇنگە جىلۋ جەلىلەرىنىڭ 12,5 شاقىرىمى نەمەسە 43,2 پايىز توزىعى جەتۋىنە بايلانىستى اۋىستىرۋدى قاجەت ەتەدى.
«يگىلىك» كاسىپورىنىڭ مازۋت شارۋاشىلىعىنىڭ توزۋ دەڭگەيى 78 پايىزدى قۇرايدى. بۇگىنگى كۇندە دياگنوستيكالىق ساراپتاما جۇرگىزىلدى.
ورتالىق قازاندىقتىڭ 2 – سۋ جىلىتۋ جانە 1 – بۋ قازاندىعىنا كۇردەلى جوندەۋ جۇمىستارى قاجەت ەتەدى. جالپى جىلۋ جەلىلەرىنىڭ (بەس جوبا) ورتالىق قازاندىق پەن مازۋت شارۋاشىلىعىنا دياگنوستيكالىق ساراپتاما مەن جوبالىق سمەتالىق قۇجاتنامالارىنا 69,6 ملن. تەڭگە قاراجات قاجەت ەتەدى»،-دەپ اتاپ ءوتتى قالا باسشىسى.
بريفينگ سوڭىندا بايانداماشىلار باق وكىلدەرىنىڭ قويعان ساۋالدارىنا جاۋاپ بەردى.
