وڭىرلىك كوممۋنيكاتسيالار قىزمەتىنىڭ ءباسپاسوز الاڭىندا وتكەن كەزەكتى بريفينگتە جامبىل وبلىسىنىڭ اكىمدىگى جەر قاتىناستار باسقارماسىنىڭ باسشىسى باقتيار كوپبوسىنوۆ بايانداما جاسادى.جەر زاڭناماسىمەن مەملەكەت مەنشىگىندەگى جەر ۋچاسكەلەرىن نەمەسە جەر ۋچاسكەلەرىن جالعا الۋ قۇقىعىن ساتۋ جونىندەگى ساۋدا-ساتتىقتى اۋكتسيونداردى مەملەكەتتىك مۇلىك ءتىزىلىمىنىڭ ۆەب-پورتالىندا ەلەكتروندىق تۇردە ۇيىمداستىرىلىپ وتكىزىلۋدە. وتكەن جىلى 44 اۋكتسيون ۇيىمداستىرىلىپ 34 جەر ۋچاسكەسى 112 ملن.تەڭگەگە ساتىلسا، 2023 جىل باسىنان بەرى 9 اۋكتسيون 10 جەر ۋچاسكەسى 138 ملن. تگ ساتىلدى.
2022 جىلى 14 كونكۋرستار وتكىزىلىپ، 47,0 مىڭ گا اۋىل شارۋاشىلىق جەرلەرى شارۋا قوجالىقتارعا بەرىلسە، اعىمداعى جىلى 3 كونكۋرس وتكىزىلىپ، 67 جەر ۋچاسكەس كولەمى 3,4 مىڭ گا راسىمدەلىپتى.
سونىمەن قاتار بريفينگتە جامبىل وبلىسى اكىمدىگىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى قۇدايبەرگەن قورعانباەۆ ءسوز الدى. ول ەلدى مەكەندەردى گازداندىرۋ تۋرالى ماسەلەنى ايتتى.بۇگىنگى كۇنى جامبىل وبلىسىندا 371 ەلدى مەكەندە 1 217 955 ادام تۇرادى. ونىڭ ىشىندە، 274 ەلدى مەكەن نەمەسە 1 099 202 ادام تابيعي گازبەن قامتاماسىز ەتىلگەن ەكەن.
ال جامبىل وبلىسى اكىمدىگىنىڭ ءبىلىم باسقارماسىنىڭ باسشىسى مەيىرحان ومىربەك وڭىردەگى ءبىلىم سالاسىنا قاتىستى جايتتاردى ءتىزدى.جالپى وبلىستاعى 574 مەكتەپكە دەيىنگى، 492 ورتا ءبىلىم بەرۋ، 44 تەحنيكالىق جانە كاسىپتىك ءبىلىم وشاقتارى بيىلعى وقۋ جىلىن اياقتاۋعا ازىرلىك ۇستىندە.
-مەكتەپ ءبىتىرىپ، تۇلەك اتانعالى وتىرعان 11 - سىنىپ وقۋشىلارى تۋرالى ءسوز قوزعاساق. بيىلعى وقۋ جىلىندا 11- سىنىپتى 11 مىڭنان استام تۇلەك بىتىرگەلى وتىر. 11-سىنىپ بىتىرۋشىلەر ءۇشىن مەملەكەتتىك ەمتيحاندار 5 ماۋسىم مەن 19 ماۋسىم ارالىعىندا بولادى. جالپى ورتا ءبىلىم بەرۋ تۋرالى اتتەستاتتى 11-سىنىپ تۇلەكتەرىنە تاپسىرۋ سالتاناتىن ءوز مەكتەپتەرىنىڭ قابىرعاسىندا 20-22 ماۋسىمدا وتكىزۋدى ۇسىنامىز، - دەدى ول.
ال، ۇبت-عا قاتىسۋ ءۇشىن مەكتەپ ءبىتىرۋشى تۇلەكتەر ونلاين تۇرىندە بازاعا تىركەلەدى. بازاعا تىركەلۋ اعىمداعى جىلدىڭ 28 ساۋىرىندە باستالىپ،14 مامىرىندا اياقتالدى. جالپى ۇبت ءوتۋ بارىسىندا اسا ءبىر وزگەرىستەرجوق، وتكەن جىلداعى فورماتپەن وتەتىن بولادى. تەك وتكەن جىلمەن سالىستىرعاندا تۇلەكتەردىڭ بازاعا تىركەلۋى ەكى كەزەڭگە بولىنگەن. قازىرگى تاڭدا، مەكتەپ بىتىرۋشىلەردىڭ 70%-دان استامى ۇبت-گە قاتىسۋعا نيەت ءبىلدىرىپ وتىر ەكەن.
