كاسپي جاعالاۋىنان تاعى دا يتبالىقتاردىڭ ولەكسەلەرى تابىلدى

1746
Adyrna.kz Telegram
فوتو: اشىق دەرەككوز
فوتو: اشىق دەرەككوز

كاسپي تەڭىزىنىڭ جاعالاۋىندا تاعى بىرنەشە ونداعان يتبالىق پەن بالىقتىڭ ولەكسەسى تابىلدى. ەكولوگيا مينيسترلىگى ولگەن بالىقتار مەن يتبالىقتاردى 12 مامىر كۇنى كەشكە بالىق ينسپەكتسياسى باسقارماسىنىڭ قىزمەتكەرلەرى تاپقانىن مالىمدەدى، دەپ حابارلايدى “ادىرنا” ۇلتتىق پورتالى.

قۇرامىندا جايىق-كاسپي وڭىرارالىق باسسەيندىك بالىق شارۋاشىلىعى ينسپەكتسياسىنىڭ، ماڭعىستاۋ وبلىسى بويىنشا ەكولوگيا دەپارتامەنتىنىڭ، گيدروبيولوگيا جانە ەكولوگيا ينستيتۋتىنىڭ، ميكروبيولوگيا جانە ۆيرۋسولوگيا عىلىمي-وندىرىستىك ورتالىعىنىڭ، «قازگيدرومەت» رمك-نىڭ، سونداي-اق جەرگىلىكتى اتقارۋشى ورگانداردىڭ وكىلدەرى بار جۇمىس توبى قۇرىلدى.

ماڭعىستاۋ وبلىسى بويىنشا ەكولوگيا دەپارتامەنتى مەن قازگيدرومەت قىزمەتكەرلەرى ولەكسەلەر تابىلعان جەردەن سۋ مەن اۋا سىنامالارىن الدى.

تابىلعان تەڭىز جانۋارلارىنىڭ، سونداي-اق بەكىرە تۇقىمداس بالىقتاردىڭ ولەكسەلەرىنىڭ كوپشىلىگى قاتتى ىدىراۋ جانە ىدىراۋ ساتىسىندا بولعاندىقتان، سىناما الۋ مۇمكىن بولمادى.

بۇل رەتتە سىناما الۋعا بولاتىن جالعىز ۇلگىلەردەن عىلىمي-وندىرىستىك ورتالىقتىڭ قىزمەتكەرلەرى ىشكى اعزالاردىڭ تىندەرىن ءىشىنارا ىرىكتەۋ جۇرگىزەدى.

اتالعان فاكتى تۇپقاراعان اۋداندىق ىشكى ىستەر باسقارماسىنىڭ توتەنشە جاعدايلار دەپارتامەنتىندە تىركەلدى. سوتقا دەيىنگى تەرگەپ-تەكسەرۋ اياسىندا جانۋارلاردىڭ ءولۋ سەبەپتەرى مەن باسقا دا جاعدايلارى انىقتالاتىن بولادى.

ەسكە سالايىق، بۇل كاسپي تەڭىزىنىڭ جاعالاۋىندا يتبالىق ولەكسەلەرىنىڭ ءبىرىنشى تابىلۋى ەمەس.

پىكىرلەر