كوروناۆيرۋس پاندەمياسى اياقتالدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس ادحانوم گەبرەيەسۋس ايتتى، دەپ حابارلايدى «ادىرنا» ءتىلشىسى.
«ددۇ-نىڭ COVID-19 بويىنشا توتەنشە جاعدايلار جونىندەگى ساراپشىلار كوميتەتى پاندەميا مارتەبەسىنىڭ كۇشىن جويۋدى ۇسىندى. مەن وسى كەڭەستى ەسكەرىپ، ۆيرۋستىڭ اياقتالعانىن جاريالادىم»،—دەدى ول.
ايتا كەتەيىك، پاندەميا باستالعاننان بەرى الەمدە كەم دەگەندە 20 ميلليون ادام قايتىس بولدى.
ەلىمىزدىڭ دەنساۋلىق ساقتاۋ مينيسترلىگىنىڭ اقپاراتىنا سايكەس، قازاقستاندا 2020 جىلدىڭ ناۋرىزىنان بەرى 1,4 ملن ادام ينفەكتسيا جۇقتىرعان. ىندەت كەزىندە حالقىمىز كينو جانە تەاتر اكتەرى دارحان دايىربەك، قازاقستاندىق ديزاينەر بەرىك يسمايلوۆ، بەلگىلى جۋرناليستەر قۋاندىق شاماحايۇلى، ميرا مۇستافينا، ءدىن قايراتكەرى ابدىعاپپار سمانوۆ سىندى تانىمال تۇلعالاردان ايىرىلدى.
