نازارباەۆ مۇراگەرىن تاڭدادى، بىراق بيلىك ءترانزيتى بولمايدى

قازاقستاندىق ساياساتتانۋشى دانيار اشىمباەۆ كەشە استانادا وتكەن "نۇر وتان" پارتياسىنىڭ سەزىنە قاتىستى پىكىر ءبىلدىردى.

ساياساتتانۋشىنىڭ ايتۋىنشا، سەزدىڭ نەگىزگى كۇن ءتارتىبى پارتيانىڭ ساياسي كەڭەسىنىڭ باعدارلاماسى، كەڭەستىڭ جارعىسى جانە قۇرامىنىڭ جاڭارۋىنا قاتىستى بولدى. ال كوپشىلىك سەزد كەزىندە باسقارۋشى پارتيانىڭ ىشىندە جاڭا ەلەكتورالدىق كەزەڭ باستالادى دەپ كۇتتى، دەيدى اشىمباەۆ.

"ۇكىمەتتىڭ وتستاۆكاسى دا، ۇلتتىق بانك باسشىسىنىڭ اۋىسۋى وسىعان ىڭعايلاستىرىلدى. ادەتتەگىدەن اۋقىمدىراق باعدارلاما بولادى دەپ كۇتىلدى. سونىمەن، سايلاۋ ماسەلەسى بەلگىلى ءبىر ۋاقىتقا شەگەرىلدى. پرەزيدەنت مەيلىنشە لايىقتى كانديداتۋرانى تاڭداپ قويعان سەكىلدى. بىراق بەلگىلى ءبىر ۋاقىتقا ترانزيت ماسەلەسىن جاۋىپ قويدى", - دەدى اشىمباەۆ Sputnik قازاقستان تىلشىسىنە بەرگەن سۇحباتىندا.

ساراپشىنىڭ پايىمداۋىنشا، نۇرسۇلتان نازارباەۆتىڭ سەزدە جاريا ەتكەن الەۋمەتتىك باستامالارى سوڭعى ۋاقىتتاعى قوعامداعى الەۋمەتتىك شيەلەنىسكە جاۋاپ بولىپ وتىر.

دەگەنمەن، تەك الەۋمەتتىك تولەمدەردىڭ مولشەرىن ارتتىرۋ جەتكىلىكسىز. ەلىمىزدىڭ الەۋمەتتىك ساياساتىن جانە ەكونوميكالىق ساياساتتى مودەرنيزاتسيالاۋ ماسەلەسى وزەكتى. ساياساتتانۋشىنىڭ ايتۋىنشا، ۇكىمەت ازىرگە مۇنى جاساعان جوق، ال وسىنداي ستراتەگيانى ازىرلەۋدى ۋاقىت تالاپ ەتىپ وتىر.