استاناداعى ءتىل باسقارماسىن جاپقان سۇلتانوۆتىڭ جيعان-تەرگەنى تۋرالى نە بىلەسىز؟

1938
Adyrna.kz Telegram

استانانىڭ وتكەندە عانا تاعايىندالعان اكىمى باقىت سۇلتانوۆ قازىر قازاق ءتىلدى قوعامنىڭ اشۋىن تۋعىزدى. باسقالارعا كوز قىلاتىن باس قالاداعى ءتىل باسقارماسىن جاپتى.  بۇل تۋرالى «ادىرنا» ۇلتتىق پورتالىندا «سۇلتانوۆقا كەرەك ەمەس ءتىل، حالىققا كەرەك!» اتتى ماقالا جاريالاعان ەدىك.

بۇگىن سول سۇلتانوۆتىڭ ءوزى تۋرالى جازباقپىز. باقىت سۇلتانوۆ استاناعا اكىم بولىپ كەلەردەن بۇرىن قازاقستاننىڭ قارجى مينيسترلىگىن باسقاردى. ەلباسىنىڭ سوزىمەن ايتساق، مەملەكەتتىڭ قالتاسى بولدى. قازىنانىڭ كىلتىن ۇستادى. بىراق، قازىناعا قوجالىق ەتكەن 5 جىلدا جارىتىپ جۇمىس ىستەدى دەي الماسپىز. سۇلتانوۆتىڭ سازايىن نۇرلان نىعماتۋلين توراعالىق ەتەتىن ءماجىلىستىڭ دەپۋتاتتارى دا، ەلباسىىنڭ ءوزى دە جاقسىلاپ بەرگەن. پارلامەنتتىڭ تاياعىن جەگەنىن ايتپاعاننىڭ وزىندە، ەلباسىنان ەكى مارتە ەسكەرتۋ الىپ، ۇشىنشىسىندە قىزمەتىنەن بوساعان ادام ەدى.

سويتسەك، مەملەكەتتىڭ قازىناسىنا ءبىراز ۋاقىت قوجالىق ەتكەن باقىت مىرزانىڭ ءوزى دە بايباتشالاردىڭ ساناتىنان بولىپ شىقتى. جيعان-تەرگەنى دە از ەمەس ەكەن.

باقىت مىرزا اكىمدىگى تۇسىندا استانادا بەس بالانىڭ ءومىرىن جالماعان اۋىر قازا بولدى. كۇللى قازاقتىڭ قابىرعاسىن قاقىرايتىپ، دەلسال ەتكەن شەتىن وقيعا بولعان شاڭىراققا باقىت سۇلتانوۆ باس سۇقپاعانىن بىلەسىزدەر.

باس قالانىڭ باسشىسىنىڭ بۇل قىلىعى جۇرتتىڭ اشۋىن ءبىر كەلتىرسە، ەندى مىنە، ءتىل باسقارماسىن جاۋىپ ەكى اشۋلاندىرىپ وتىر.

وسى جاعىمسىز جاڭالىقتان سوڭ ءبىز قازاق ءتىلىنىڭ باقىتى ەمەس، سورى بولىپ كەلگەن اكىم باقىت سۇلتانوۆتىڭ وسى ۋاقىتقا دەيىنگى قانداي جۇمىسى، ەتكەن ەڭبەگى ەلدىڭ ەسىندە بار ەكەن دەپ، الەۋمەتتىك جەلىنى اقتاردىق. اقتارىپ وتىرىپ مىناداي ءبىر قىزىق دەرەككە جولىقتىق.

«Camonitor.kz» دەيتىن سايت باقىت مىرزانىڭ بايلىعىن ەسەپتەپ جازىپتى. بىلە جۇرىڭىزدەر، ءبىز الگى ماقالانى قازاقشاعا اۋدارىپ بەرگەندى ءجون دەپ ەسەپتەدىك.

قازاقستاننىڭ بەيرەسمي باي-باعلاندارىنىڭ تىزىمىنە ءبىزدىڭ باقىت سۇلتانوۆ تا كىرەدى ەكەن.

ونىڭ جيعان-تەرگەن دۇنيە-بايلىعىن اۋەلى «راديوتوچكا» جازعان. كەيىن ول ماتەريالدى «Camonitor.kz» سايتى كوشىرىپ جاريالاعان. ال ءبىز اۋدارىپ باسىپ وتىرمىز.

باقىت سۇلتانوۆ

«نازارباەۆ ينتەللەكتۋالدى مەكتەپتەرى» اق، قامقورلىق كەڭەسىنىڭ مۇشەسى. 1971 جىلى الماتىدا تۋعان. قۇتۋ جانە قازاق مەملەكەتتىك باسقارۋ اكادەمياسىن بىتىرگەن. ماماندىعى – ينجينەر-ەلەكتريك، ەكونوميست.

1994 جىلدان باستاپ قارجى سالاسىندا باسقارۋ جۇمىستارىن اتقارىپ كەلەدى.

2007 جىلدىڭ قاڭتارىنان باستاپ قر قارجى ۆيتسە-ءمينيسترى بولدى.

2007 جىلدىڭ تامىز ايىنان باستاپ قر ەكونوميكا جانە بيۋدجەتتىك جوسپارلاۋ ءمينيسترى بولدى.

2010 جىلى قر پرەزيدەنتىنىڭ كومەكشىسى قىزمەتىن اتقاردى.

2012 جىلى قر پرەزيدەنت اكىمشىلىگى باسشىسىنىڭ ءبىرىنشى ورىنباسارى بولىپ كوردى.

2013 جىلدان باستاپ قر قارجى ءمينيسترى بولىپ تاعايىندالدى.

2018 جىلى قىركۇيەكتە استاناعا اكىم بولىپ باردى.

ماراپاتتارى:

«قۇرمەت» وردەنىمەن جانە 6 مەدالمەن ماراپاتتالعان.

تولەگەن سالىعى:

2010 جىلى – 108 ملن 833,8 مىڭ تەڭگە;

2011 جىلى – 181 ملن 591,2 مىڭ تەڭگە;

2012 جىلى – 239 ملن 204,6 مىڭ تەڭگە;

2013 جىلى – 68 ملن 262,6 مىڭ تەڭگە;

2014 جىلى – 291 ملن 346,5 مىڭ تەڭگە;

2015 جىلى – 254 ملن 289,5 مىڭ تەڭگە.

جوعارىداعى سالىقتىق تولەمدەردى ساراپتاي كەلە، 2014 جىلى مينيستر قىزمەتىنە مىقتاپ كىرىسكەن سۇلتانوۆ سالىقتىق تولەم كولەمىن قايتا قالپىنا كەلتىرىپ، ءتىپتى مينيسترلىكتىڭ فيسكالدى تولەمدەر تاريحىنداعى رەكوردتىق كورسەتكىشتى ورناتقانىن كورەمىز. ەندى وتباسىنا توقتالايىق.

رەگينا فاندەسوۆنو سۇلتانوۆا

1970 جىلى تۋعان. استانا اكىمىنىڭ جۇبايى.

دانيار باقىتۇلى سۇلتانوۆ

1997 جىلى تۋعان. باقىت سۇلتانوۆتىڭ ۇلى. رەسمي اقپاراتتارعا سەنسەك، بۇل ەكى ادام ەشقانداي بيزنەسپەن اينالىسپايدى. ياعني، اكىم «اكەلەرىنىڭ» قولىنا قاراپ وتىر.

انەل باقىتقىزى سۇلتانوۆا

1989 جىلى تۋعان. باقىت سۇلتانوۆتىڭ قىزى. «ا&م ءبلىبىم بەرۋ ورتالىعى» جشس-ءنىڭ جالعىز قۇرۋشىسى جانە ديرەكتورى. بۇل ورتالىق 2013 جىلدىڭ 16-مامىرى كۇنى تىركەلگەن ەكەن. استانا قالاسىندا ورنالاسقان. اۋدارما جۇمىستارىمەن اينالىسادى.

تولەگەن سالىعى:

2013 جىلى – 163,9 مىڭ تەڭگە;

2014 جىلى – 173,3 مىڭ تەڭگە;

2015 جىلى – 0 تەڭگە.

تۇرلىحان بازىلۇلى سۇلتانوۆ

بۇرىنعى مينيستر، قازىرگى اكىمنىڭ اكەسى. 1949 جىلى تۋعان. «تالعار قالالىق پسيحونەۆرولوگيالىق ينتەرنات-ءۇيى» مەملەكەتتىك باسقارماسىن باسقارعان. بۇل ورتالىقتى 2005 جىلى 23-اقپاندا الماتى وبلىسى اكىمدىگىنىڭ اپپاراتى قۇرعان.

تولەگەن سالىعى:

2010 جىلى – 3 ملن 279,1 مىڭ تەڭگە;

2011 جىلى – 4 ملن 961,2 مىڭ تەڭگە;

2012 جىلى – 6 ملن 272,1 مىڭ تەڭگە;

2013 جىلى – 6 ملن 339,2 مىڭ تەڭگە;

2014 جىلى – 5 ملن 991,6 مىڭ تەڭگە;

2015 جىلى – 8 ملن 576,6 مىڭ تەڭگە.

نۇرلان سۇلتانوۆ (1974 جىلى تۋعان) پەن ەرلان سۇلتانوۆ (1973 جىلى تۋعان). بۇلار اكىمنىڭ باۋىرلارى. ەشقانداي كومپانياعا ۇلەسكەر ەمەس.

ارمان تۇرلىحانۇلى سۇلتانوۆ

1976 جىلى تۋعان. باقىت سۇلتانوۆتىڭ باۋىرى. «قازترانسسەرۆيس» اق ديرەكتورلار كەڭەسىنىڭ مۇشەسى.

داۋرەن سۇلتانوۆ

كىشى ءىنىسى. 1981 جىلى تۋعان. «ارگوفيرما «مويىنقۇم وتكورم» جشس قۇرۋشىلاردىڭ ءبىرى. 2014 جىلى 18-ماۋسىمدا تىركەلگەن.

تولەگەن سالىعى:

2014 جىلى – 0 تەڭگە;

2015 جىلى – 1 ملن 591,0 تەڭگە.

وسى رەتتە تاعى ءبىر دەرەككە كوز جۇگىرتەيىك. داۋرەن سۇلتانوۆتىڭ قۇرعان شارۋاشىلىق سەرىكتەستىگىنىڭ باسقا دا مۇشەلەرى بار ەكەن. ولار:

-گۇلنارا اسكەربەكقىزى تۋسەلباەۆا – شىعىس قازاقستانداعى اتاعى دارداي دارىگەردىڭ قىزى;

-دوس پەرۋاشەۆ – ءماجىلىس دەپۋتاتى ازات پەرۋاشەۆتىڭ باۋىرى;

-الماز ازاماتۇلى ابيلداەۆ -  1996 جىلى تۋعان. قۇرىلىس ماتەريالدارىن وندىرۋشىلەر وداعىنىڭ پرەزيدەنتىنىڭ ۇلى;

-«مويىنقۇم اگرو»جشس. بۇل شارۋاشىلىق 2009 جىلى 28-قىركۇيەكتە جامبىل وبلىسىندا تىركەلگەن.

«مويىنقۇم اگرو» جشس تولەگەن سالىعى:

2010 جىلى – 1 ملن 659,1 مىڭ تەڭگە;

2011 جىلى – 5 ملن 273,0 تەڭگە;

2012 جىلى – 4 ملن 729,6 مىڭ تەڭگە;

2013 جىلى – 183,0 مىڭ تەڭگە;

2014 جىلى – 1 ملن 392,0 مىڭ تەڭگە;

2015 جىلى – 3 ملن 072,0 مىڭ تەڭگە.

  1. كەشەگى استاناعا قازاق ءتىلىنىڭ قورعانى سانالاتىن ءتىل باسقارماسىن كەرەكسىز دەپ تانىعان اكىم باقىت تۇرلىحانۇلى سۇلتانوۆتىڭ «سەمياسى» وسىنداي. بىلە جۇرىڭىزدەر... ەسكەرتە كەتەيىك، بۇل دەرەكتەر اشىق ينتەرنەتتەن الىنعان.

«ادىرنا» ۇلتتىق پورتالى

https://camonitor.kz/24301-chem-vladeet-i-s-kem-svyazana-semya-bahyta-sultanova.html

پىكىرلەر