جامبىل وبلىسىندا ءوتىپ جاتقان «ZHEIF-2023» حالىقارالىق ەكونوميكالىق جانە ينۆەستيتسيالىق فورۋمى اياسىندا تسيفرلاندىرۋ باعىتى بويىشا يران، ليتۆا، قىتاي، ساۋد ارابياسى جانە رەسپۋبليكانىڭ بارلىق ايماقتارىنان كەلگەن قوناقتار حالىقارالىق تاراز يننوۆاتسيالىق ينستيتۋتىنىڭ IT اكادەمياسىنىڭ جۇمىسىمەن تانىستى.
ينۆەستورلار مەن سالا ماماندارىنا جاڭا يننوۆاتسيالىق جوبالار كورسەتىلدى. مۇنىمەن قوسا، ينستيتۋتتىڭ قىسقى باعىندا جامبىل وبلىسىنىڭ ەكوجۇيەسىنە قاراستى ستارتاپ، عىلىمي جوبالار مەن ايماقتىڭ الەۋەتى تانىستىرىلدى.
ءبىلىم وشاعىنىڭ قىزمەتكەرلەرى جاھانداعى جاڭا تەحنولوگيالاردى قولدانا وتىرىپ ەكولوگيالىق، اعىن سۋدىڭ جەتىسپەۋى ماسەلەسىن شەشۋدىڭ جاڭا جولدارىن باياندادى.
سونداي-اق، اقىلدى شارۋاشىلىق ءىوت فەرمەرلەرگە قاشىقتاعى سەنسورلار ارقىلى ىلعالدىلىق، اۋا تەمپەراتۋراسى جانە توپىراق ساپاسى سياقتى ماڭىزدى ەگىستىك جانە شارۋاشىلىققا ماڭىزدى اقپاراتىن باقىلاۋعا، ونىمدىلىكتى ارتتىرۋعا، سۋارۋدى تيىمدىرەك جوسپارلاۋعا جانە ەگىن بولجامدارىن جاساۋعا كومەكتەسۋگە ارنالعان جوباسىمەن تانىستىرىلدى.
اقىلدى اۋىل شارۋاشىلىعى – بۇل جاي عانا جاقسارتۋ ەمەس، دۇرىس قولدانىلعان جاعدايدا فەرمەرلەرگە اۋىل شارۋاشىلىعىندا كەزدەسەتىن بارلىق قيىندىقتاردى جەڭۋگە كومەكتەسەتىن، قاجەتتى يننوۆاتسيا ەكەنىنە كوز جەتكىزۋگە بولادى.
حالىقارالىق فورۋم ەكى كۇنگە جالعاسادى. ونىڭ اياسىندا وبلىسىمىزدىڭ ينۆەستيتسيالىق مۇمكىندىكتەرى ينۆەستورلارعا كەڭىنەن تانىستىرىلىپ، اۋىل شارۋاشىلىعى، جەر قويناۋىن ءتيىمدى پايدالانۋ، جاڭا ەنەرگيا كوزدەرى باعىتتارىن دامىتۋ ماقساتىندا ينۆەستورلاردى تارتۋ جۇمىستارى جۇرگىزىلەدى.
