اقتوبەدە تۇرعىن ءۇي ورتەنىپ، 4 جانە 10 جاستاعى ەكى بالا قازا تاپتى، دەپ حابارلايدى «ادىرنا» ءتىلشىسى.
قايعىلى وقيعا بۇگىن تاڭعى ۋاقىتتا بولعان.
«112» قۇتقارۋ قىزمەتىنە الماتى اۋدانى جانگەلدين كوشەسىندەگى جەكە تۇرعىن ۇيدەن ءورت شىققانى تۋرالى حابارلاما كەلىپ ءتۇستى. شاقىرتۋ ورنىنا ءورت سوندىرۋشىلەر بارعان كەزدە جەكە ءۇيدىڭ اس بولمەسى جانە كىرەبەرىس بولمەسى ورتەنىپ، شاتىرعا ۇلاسقانى انىقتالدى. ءورت كەزىندە 2013 جانە 2019 جىلى تۋعان 2 بالانىڭ دەنەسى تابىلدى. 1954 جىلى تۋعان ايەل قازىر جانساقتاۋ بولىمىندە جاتىر»،—دەدى وبلىستىق توتەنشە جاعدايلار قىزمەتى.
قازىرگى تاڭدا ءورتتىڭ شىعۋ سەبەبى انىقتالىپ جاتىر.
