بۇل تۋرالى اقوردادا مەملەكەت باسشىسى قاسىم-جومارت توقاەۆپەن شاعىن قۇرامدا كەزدەسۋ وتكىزگەن ازەربايجان پرەزيدەنتى يلحام اليەۆ ايتتى، دەپ حابارلايدى "ادىرنا" ۇلتتىق پورتالى.
«قۇرمەتتى قاسىم-جومارت كەمەلۇلى، ەڭ الدىمەن، ارنايى شاقىرعانىڭىزعا جانە قوناقجايلىعىڭىزعا العىس ايتامىن! گەيدار اليەۆكە كورسەتكەن قۇرمەتىڭىز ءۇشىن بۇكىل ازەربايجان حالقىنىڭ جانە جەكە ءوز اتىمنان ريزاشىلىعىمدى بىلدىرگىم كەلەدى. جالپى، ءبىز بارشا قازاقستان حالقىنىڭ ەلىمىزگە دەگەن ىستىق ىقىلاسىن ارقاشان سەزىنىپ كەلەمىز. ازەربايجانعا رەسمي ساپارىڭىز بارىسىندا وسىنداي تىلەۋلەستىكتى ءسىز دە بايقادىڭىز دەپ ويلايمىن. ءبىزدىڭ رەسمي ساپارلار اياسىندا ءجيى كەزدەسۋىمىز وسى قارىم-قاتىناسىمىزدىڭ سيپاتىن اڭعارتادى جانە ۇدايى بايلانىستا بولۋ قاجەت ەكەنىن كورسەتەدى. ءوزىڭىز ايتقانداي، ءبىزدىڭ ەلدەرىمىزدىڭ ءبىر-بىرىنە دەگەن باۋىرلاستىق نيەتى شىنايى. بۇل – ەكىجاقتى ىنتىماقتاستىقتى دامىتۋعا جاقسى نەگىز. ىنتىماقتاستىق باعىتتارىنا كەلەتىن بولساق، ولاردى سانامالاۋعا ءبىراز ۋاقىت كەتەدى. ويتكەنى ول قوعامنىڭ بارلىق سالاسىن قامتيدى. ارينە، قازىرگى جاعدايدا ساۋدا-ەكونوميكالىق جانە ينۆەستيتسيالىق جوبالار، سونداي-اق كولىك-لوگيستيكالىق ينفراقۇرىلىمعا قاتىستى جوبالار باسىمدىققا يە»، - دەدى يلحام اليەۆ.
