ەلىمىزدە 145 ادامنان قىزىلشا اۋرۋى تابىلدى. بۇل تۋرالى دسم سانيتارلىق-ەپيدەميولوگيالىق باقىلاۋ كوميتەتى ايتتى، دەپ حابارلايدى «ادىرنا» ءتىلشىسى.
«2023 جىلعى 27 ناۋرىزداعى جاعداي بويىنشا رەسپۋبليكا بويىنشا قىزىلشاعا كۇدىكپەن 145 جاعداي تىركەلدى، ونىڭ ىشىندە 75-ءى زەرتحانادا راستالدى (14 جاسقا دەيىنگى بالالار اراسىندا – 68, ەرەسەكتەر اراسىندا – 7 جاعداي). 69%-دا ۆاكتسيناتسيالانباعان بالالار اۋىرىپ قالدى»،—دەلىنگەن حابارلامادا.
قىزىلشا – بۇل جوعارى تەمپەراتۋرا، ينتوكسيكاتسيا، جوتەل، مۇرىننان سۋ اعۋ، كونيۋنكتيۆيت جانە بورتپە تۇرىندە كورىنەتىن ءجىتى ۆيرۋستىق اۋرۋ. ۆيرۋس اۋا ارقىلى ءارى ۇزاق قاشىقتىققا دا وڭاي تارايدى.
