جەر ماسەلەسى - مويىمدا ءىلىپ تۇرعان ەڭ ۇلكەن جۇك. ەستەرىڭىزدە بولسا استاناعا كوشىپ كەلگەنىمنىڭ باستى سەبەبى وسى جەر ماسەلەسى بولاتىن. ماجىلىستە كەشە وتكەن دوڭگەلەك ۇستەلدىڭ ەڭ باستى ناتيجەسى - ءبىزدىڭ ۇسىنىستارىمىزعا دەپۋتاتتار پەن ۇكىمەت جالپى قارسى ەمەس، بىراق ەندى بۇل ۇسىنىستاردى جەر كودەكسىنىڭ ناقتى نورمالارىنا ەنگىزىپ زاڭداستىرۋ كەرەك.
تاعى دا ەستەرىڭىزگە سالا كەتەيىن. "جەر ەشكىمگە ساتىلماسىن!" دەگەن حالىقتىڭ تىلەك-تالابىن ورىنداتۋ ءۇشىن ءبىز جەكە مەنشىك ينستيتۋتىن جەر كودەكسىنەن الىپ تاستاۋىمىز كەرەك. "جەر شەتەلدىكتەرگە جالعا بەرىلمەسىن!" دەگەن ءسوز - جەر تەك قانا قر ازاماتتارىنا، نەمەسە 100% قر زاڭدى تۇلعالارىنا تەك قانا جالعا بەرىلسىن دەگەن ءسوزدى بىلدىرەدى.
سوندىقتان ءبىز جەكە مەنشىك ينستيتۋتىن جەر كودەكسىنەن الىپ تاستاپ، ونىڭ ورنىنا جال ينستيتۋتىن ەنگىزۋ ءتيىسپىز.
ءبىز ۇلكەن كولەمدەگى، مىڭداعان گەكتارى بار جەرلەردى ايتىپ وتىرمىز، ياعني ول اۋىل شارۋاشىلىعىنا ارنالىنعان جەرلەر. ال مىسالى جەر ءۇي، مەكتەپ، بالاباقشا، زاۆوت، قويمالار، ستو، قوناق ءۇي، كوپ پاتەرلى ۇيلەر، ت.ب. - بۇنداي جەرلەرگە تيىسپەيمىز. بۇنداي جەرلەردىڭ زاڭ ءتارتىبى بۇرىڭعى قالپىدا قالا بەرەدى.
ودان باسقا بىرىڭعاي اگرارلىق سالىعى، كوسمومونيتورينگ دەگەن سياقتى جاڭا نورمالارىن جەر كودەكسىنە كىرگىزۋ كەرەك. بۇل نورمالار لاتيفۋنديزمگە جول بەرمەۋ ءۇشىن، فەرمەرلەردى جەرگە دۇرىس، ۇتىمدى پايدالاندىرۋ ءۇشىن كەرەك.
ودان باسقا بانكتەردە كەپىلدىكتە كوپ جىل بويى بوس تۇرعان جەرلەردى بوساتاتىن جولدارىن تابۋ كەرەك.
سونداي-اق، بۇدان بىلاي بىرنەشە اي ءوزىمنىڭ باستى جۇمىسىم وسى بولادى، دوستار. دەپۋتاتتارمەن، ۇكىمەتتىڭ قىزمەتكەرلەرىمەن بىرگە ءبىز جاڭا، ساپالى زاڭدى قابىلداتۋ ءتيىسپىز. ەرتەڭ حالىق مەنەن باسقا باسقا ەمەس، ناقتى وسى جەر ماسەلەسىن سۇرايتىن بولادى. جاۋاپكەرشىلىكتى تۇسىنە وتىرىپ مەن بۇل ەڭ جاۋاپتى جۇمىسقا كىرىسەمىن. البەتتە جالعىز بولمايمىن دەپ بىلەمىن!
مۇحتار تايجاننىڭ فەيسبۋك پاراقشاسىنان
