«ماسس-مەديا تۋرالى» زاڭ جوباسى ءالى تالقىلانىپ جاتىر. بۇل ماسەلەگە قاتىستى اقپارات جانە قوعامدىق دامۋ مينيسترلىگى باق سالاسىنداعى مەملەكەتتىك ساياسات دەپارتامەنتىنىڭ ديرەكتورى جاسۇلان ومىراليەۆ ونلاين فورماتىندا جيىن وتكىزدى.
اقپارات جانە قوعامدىق دامۋ مينيسترلىگى باق سالاسىنداعى مەملەكەتتىك ساياسات دەپارتامەنتىنىڭ ديرەكتورى جاسۇلان ومىراليەۆ باق-قا نەگىزدەلگەن زاڭمەن جۇمىستىڭ ماقساتى ءالى تولىق ورىندالماي جاتقانىن تىلگە تيەك ەتتى. قازىرگى تاڭدا زاڭعا بىرقاتار وزگەرىستەر ەنگىزىلدى.
اقپان ايىنىڭ 2-سىندە ەرەجەلەرگە سايكەس، «ماسس-مەديا تۋرالى» زاڭ جوباسىنىڭ نۇسقاسىن اشىق پورتالعا ەنگىزىپ، تالقىلاۋ جۇرگىزدىك. ونىڭ ىشىندە كوپتەگەن ەسكەرتۋلەر بولدى. سونىڭ اياسىندا مەملەكەت باسشىسىنىڭ اتىنا ارىز دا جازىلعان بولاتىن. ونى دا ءبىز قاراپ، پىسىقتادىق. ناتيجەسىندە جاڭا نۇسقاسى دايىندالدى. ەسكەرتۋلەر اياسىندا وزگەرتىلگەن نۇسقانى اشىق پورتالعا تاعى دا ەنگىزەمىز. ءارى قاراي رەگلامەنت بويىنشا جۇمىستار جالعاسادى. مەملەكەتتىك ورگاندارمەن كەلىسىپ، ساراپتامالار جاسالىپ جاتىر. سودان كەيىن ۇكىمەتكە كىرەتىن بولامىز، – دەدى ول.
سونداي-اق، ول جاڭا زاڭعا قانداي وزگەرىستەر ەنگىزىلگەنى تۋرالى اتاپ ءوتتى.
بارلىعىندا پىكىر بولدى. مۇنداي نورما بولمايدى نەمەسە تسەنزۋرا دەگەن سەكىلدى. ءبىز ءوز تاراپىمىزدان بۇعان قاتىستى ويىمىزدى ايتتىق. پىسىقتاي كەلە، جۇمىس توبىمەن مىناداي شەشىمگە كەلدىك. ەرەكشە جاعدايلار نورماسىن الىپ تاستادىق. ەكىنشىدەن، ءباسپاسوز كارتالار بويىنشا سىن جانە ەتيكا ماسەلەسى زاڭنىڭ ىشىندە بولماۋ كەرەك دەگەن سەكىلدى ساۋالدار دا بولدى. وسىنىڭ ءبارىن ەسكەرە كەلە، ءبىراز باپقا تۇزەتۋ ەنگىزدىك. ءباسپاسوز كارتاسىنا شەكتەۋ ەنگىزىلمەيدى. ءباسپاسوز كارتاسىنا يە بولعان جۋرناليست مەملەكەتتىك ورگاندار ۇيىمداستىرعان ءىس-شارالارعا اككرەديتاتسياسىز وتە الادى. مۇنىڭ ءبارى قازىرگى تاڭداعى تسيفرلى زامانعا ساي بولۋ ءۇشىن ءارتۇرلى جولدارىن قاراستىرامىز. بولاشاقتا تسيفرلىق جۇيەگە كوشۋى ابدەن ابزال. قازىرگى تاڭدا ونى ءالى پىسىقتاپ جاتىرمىز، – دەيدى جاسۇلان ومىراليەۆ.
Басқалармен бөлісе отырыңыз
