«اۋىل» پارتياسى قوعامداعى ساياسي كۇشكە اينالۋدى جانە اۋىلداردى كوركەيتۋدى كوزدەيدى. بۇل تۋرالى بۇگىن «حابار» تەلەارناسىندا وتكەن پىكىرسايىستا پارتيا توراعاسىنىڭ ورىنباسارى جيگۋلي دايراباەۆ مالىمدەدى.
«اۋىل پارتياسى بارلىق اۋدان مەن قالادا تۇراقتى جۇمىس ىستەپ جاتىر. اتاپ ايتقاندا، 20 وڭىردە فيليالدارىمىز، 1200-دەن استام باستاۋىش پارتيا ۇيىمدارىمىز بار. رەسپۋبليكا بويىنشا مۇشەلەرىمىز 300 مىڭنان استام. 237 پارتيالىق ارىپتەسىمىز بارلىق دەڭگەيدەگى ءماسليحات دەپۋتاتتارى اتانىپ، تاعى 35 پارتيا مۇشەسى اۋىل اكىمدەرى بولىپ سايلاندى. بۇل حالىقتىڭ سەنىمىن كورسەتەدى. سايلاۋداعى ناتيجەمىزدىڭ ودان دا جوعارى بولاتىنىنا سەنىمدىمىز. پارتيانىڭ پوزيتسياسى ايقىن، ول – قوعامداعى ساياسي كۇشكە اينالۋ. پارلامەنت ماجىلىسىنە ءوتىپ، ەلىمىزدە ءىس جۇزىندە ورنىققان ءبىر پارتيالىق جۇيەنى وزگەرتۋ. «اۋىل» پارتياسىنىڭ نەگىزگى كۋرسى – ازىق-تۇلىك قاۋىپسىزدىگىنە جانە دامىعان اۋىلدىق ايماقتارعا نەگىزدەلگەن، حالقىنىڭ ءال-اۋقاتى جوعارى قۋاتتى قازاقستان قۇرۋ. «اۋىل» پارتياسى – ءسوزدىڭ پارتياسى ەمەس، ناقتى ءىستىڭ پارتياسى»، – دەدى ول.
سونداي-اق پىكىرسايىس بارىسىندا جيگۋلي دايراباەۆ اۋىل شارۋاشىلىعىمەن اينالىسقىسى كەلەتىن ازاماتتار جەرسىز قالماۋى كەرەك ەكەنىن باسا ايتتى.
«جەر ماسەلەسى، اۋىل شارۋاشىلىعى ماسەلەسى ءالى كۇنگە دەيىن كۇن تارتىبىنەن تۇسكەن جوق. قازىر اۋىلدىق جەردە جايىلىم ماسەلەسى ۋشىعىپ تۇر، جەر جەتپەيدى. قاراپايىم سۋ تاپشى. كەزىندە اۋىل توڭىرەگىندەگى جەردى يەلەنىپ العان ازاماتتار بار. اۋىل ماسەلەسىنە، جەر ماسەلەسىنە بارلىعىڭىز اتسالىسساڭىزدار، ونى تارتىپكە كەلتىرۋگە بولادى. اۋىل شارۋاشىلىعىمەن اينالىسامىن دەيتىن ازاماتتار جەرسىز قالماۋى كەرەك. مال باعامىن، ەگىن ەگەمىن دەسە، ولارعا مۇمكىنشىلىك جاساۋ كەرەك»، – دەدى كانديدات.
جيگۋلي دايراباەۆ تەلەدەباتتا «اۋىل» پارتياسى سايلاۋالدى باعدارلاماسى اياسىندا قازاقستاندى الەۋمەتتىك-ەكونوميكالىق جاعىنان قالاي دامىتاتىنى تۋرالى ايتتى.
«ازىق-تۇلىك – مەملەكەت قاۋىپسىزدىگىنىڭ باستى مىندەتى. اۋىل شارۋاشىلىعى تاۋەلسىزدىكتىڭ العاشقى جىلدارى ەلدىڭ جالپى ىشكى ءونىمىنىڭ 30%-ىن قۇرايتىن، قازىر وسى كورسەتكىش 5 پايىزدان اسپايدى. ەلىمىز ازىق-تۇلىك يمپورتىنا تاۋەلدى. مىسالى، 2022 جىلى سىرتتان 600 مىڭ توننا ءسۇت، 170 مىڭ توننا ەت ونىمدەرى اكەلىنگەن. ال قۇس ەتىنىڭ 36%-ى يمپورتتايمىز. بۇل اگرارلىق الەۋەتى بار ەل ءۇشىن ۇيات. ءبىز شەتەلدەن ازىق-تۇلىك الىپ، قانشاما قاراجاتتان قاعىلىپ وتىرمىز. سول سەبەپتەن ونىڭ باعاسى كۇن ساناپ قىمباتتاپ، حالىقتىڭ نارازىلىعىن تۋدىرۋدا. ءبىز قولىمىزدان كەلەتىندى جاساي الماي وتىرمىز. حالقىمىز بانك جۇيەسىنەن دە زارداپ شەگۋدە. سەبەبى پايىزدىق ۇستەماقىسى وتە جوعارى. بۇل – اشىق توناۋ. حالىق قارىزعا ابدەن باتقان. مۇعالىمدەر بالا وقىتۋدان، دارىگەرلەر ادام ەمدەۋدەن قالىپ بارادى. بارلىق جەردە قاعازباستىلىق. جوعارىدان تۇسكەن ستاندارتتار، پروتوكولدار ولاردى سوعان ماجبۇرلەۋدە. ءبىز دەنساۋلىقتى نارىققا اينالدىرىپ جىبەردىك. باستى بايلىعىمىز – ادام دەگەن قۇر سوزگە اينالدى. جالپى، الەۋمەتتىك سالادا ماسەلە وتە كوپ. ەل قۇرعاق ۋادەگە تويدى»، – دەپ توراعا ورىنباسارى وزەكتى ماسەلەلەرگە توقتالدى.
جيگۋلي دايراباەۆتىڭ ايتۋىنشا، «اۋىل» پارتياسى ماجىلىسكە بارعاندا قانداي شەشىمدەردى ۇسىناتىنىن اتاپ ءوتتى.
«بىرىنشىدەن، ازىق-تۇلىك تۋرالى زاڭدى» حالىقپەن اقىلداسىپ قابىلداۋ كەرەك. ەكىنشىدەن، اۋىلدىڭ ينفراقۇرىلىمىن قالپىنا كەلتىرەمىز. ۇشىنشىدەن، 100% مەملەكەتتىك كاپيتالمەن اگروبانك قۇرامىز. تورتىنشىدەن، اۋىل شارۋاشىلىق تەحنيكاسىن جاڭالاپ، ازاماتتاردى جۇمىسپەن قامتۋ ماقساتىندا وتاندىق تەحنيكاعا باسىمدىق بەرەمىز»، – دەدى كانديدات.
سونىمەن قاتار پىكىرسايىستىڭ ەكىنشى كەزەڭىندە قازاقستان فەرمەرلەر قاۋىمداستىعىنىڭ باسقارما توراعاسى جيگۋلي دايراباەۆ اۋىلدىڭ الەۋەتىن كوتەرۋ ءۇشىن ادامي فاكتورلاردى ءبىرىنشى ورىنعا قويۋ كەرەك ەكەنىن اتاپ ءوتتى.
«سوڭعى جىلدارى 1450 اۋىل كارتادان جويىلىپ كەتتى. ءاربىر اۋىلدىڭ جاعدايىن كوتەرۋ ءۇشىن، سانىنا قاراماي، ادامي فاكتوردى ءبىرىنشى كەزەككە قويىپ، قىزمەت ەتۋىمىز كەرەك. «اۋىل» پارتياسىنىڭ سايلاۋالدى جوسپارى ورىندالسا، اۋىل كوركەيەدى. فرانكلين رۋزۆەلتتىڭ ءبىر ءسوزىن ايتايىن: «ەگەر فەرمەر بۇگىن ولسە، ەرتەڭ ءبارىمىز دە ولەمىز». مەملەكەتتى قالپىنا كەلتىرۋ ءۇشىن اۋىل شارۋاشىلىعىن، اۋىل ينفراقۇرىلىمىن قالپىنا كەلتىرۋ كەرەك. سوندا عانا ءبىز گۇلدەنگەن مەملەكەت بولامىز»، – دەپ ول.
دەبات بارىسىندا جيگۋلي دايراباەۆ سايلاۋشىلارعا ۇندەۋ تاستاپ، 19 ناۋرىزدا «اۋىل» پارتياسىن قولداۋعا شاقىردى.
«اۋىل» پارتياسى ماجىلىسكە كەلگەندە ەش كەيىنگە شەگەرمەستەن، مۇناي-گازبەن قاتار اۋىل شارۋاشىلىعىن دا نەگىزگى سەكتور رەتىندە ايقىندايمىز. سول كەزدە باعا ارزاندايدى، ازىق-تۇلىك قولجەتىمدى بولادى، حالقىمىز توق جۇرەدى. ەڭ باستىسى، استانا، رەسپۋبليكالىق ماڭىزى بار قالالار عانا ەمەس، وڭىرلەر مەن اۋىلدىق ايماقتار دا داميدى. ەستەرىڭىزدە بولسىن، اۋىلدا قۇرىلعان ءبىر جۇمىس ورنى – قالاداعى سەگىز ادامعا ازىق. سوندىقتان بۇل ماسەلەنى شەشۋ – مەملەكەتىمىز ءۇشىن ستراتەگيالىق ماڭىزدى. وسىلايشا، ءبىز باقۋاتتى اۋىل، دامىعان قالا مەن قۋاتتى مەملەكەت قالىپتاستىرۋ جولىندا جۇمىس ىستەيمىز. 19 ناۋرىز كۇنى بارشاڭىز سايلاۋعا كەلىپ، بىزگە داۋىس بەرىڭىزدەر! العا، قازاقستان! العا، «اۋىل» پارتياسى!»، – دەپ قورىتىندىلادى ءسوزىن كانديدات.
تاپسىرىس بەرۋشى: «اۋىل» حدپپ;
«اۋىل» حدپپ سايلاۋ قورى قاراجاتى ەسەبىنەن تولەندى
