«Aýyl» partııasy qoǵamdaǵy saıası kúshke aınalýdy jáne aýyldardy kórkeıtýdi kózdeıdi. Bul týraly búgin «Habar» telearnasynda ótken pikirsaıysta partııa tóraǵasynyń orynbasary Jıgýlı Daırabaev málimdedi.
«Aýyl partııasy barlyq aýdan men qalada turaqty jumys istep jatyr. Atap aıtqanda, 20 óńirde fılıaldarymyz, 1200-den astam bastaýysh partııa uıymdarymyz bar. Respýblıka boıynsha múshelerimiz 300 myńnan astam. 237 partııalyq áriptesimiz barlyq deńgeıdegi máslıhat depýtattary atanyp, taǵy 35 partııa múshesi aýyl ákimderi bolyp saılandy. Bul halyqtyń senimin kórsetedi. Saılaýdaǵy nátıjemizdiń odan da joǵary bolatynyna senimdimiz. Partııanyń pozıııasy aıqyn, ol – qoǵamdaǵy saıası kúshke aınalý. Parlament Májilisine ótip, elimizde is júzinde ornyqqan bir partııalyq júıeni ózgertý. «Aýyl» partııasynyń negizgi kýrsy – azyq-túlik qaýipsizdigine jáne damyǵan aýyldyq aımaqtarǵa negizdelgen, halqynyń ál-aýqaty joǵary qýatty Qazaqstan qurý. «Aýyl» partııasy – sózdiń partııasy emes, naqty istiń partııasy», – dedi ol.
Sondaı-aq pikirsaıys barysynda Jıgýlı Daırabaev aýyl sharýashylyǵymen aınalysqysy keletin azamattar jersiz qalmaýy kerek ekenin basa aıtty.
«Jer máselesi, aýyl sharýashylyǵy máselesi áli kúnge deıin kún tártibinen túsken joq. Qazir aýyldyq jerde jaıylym máselesi ýshyǵyp tur, jer jetpeıdi. Qarapaıym sý tapshy. Kezinde aýyl tóńiregindegi jerdi ıelenip alǵan azamattar bar. Aýyl máselesine, jer máselesine barlyǵyńyz atsalyssańyzdar, ony tártipke keltirýge bolady. Aýyl sharýashylyǵymen aınalysamyn deıtin azamattar jersiz qalmaýy kerek. Mal baǵamyn, egin egemin dese, olarǵa múmkinshilik jasaý kerek», – dedi kandıdat.
Jıgýlı Daırabaev teledebatta «Aýyl» partııasy saılaýaldy baǵdarlamasy aıasynda Qazaqstandy áleýmettik-ekonomıkalyq jaǵynan qalaı damytatyny týraly aıtty.
«Azyq-túlik – memleket qaýipsizdiginiń basty mindeti. Aýyl sharýashylyǵy táýelsizdiktiń alǵashqy jyldary eldiń jalpy ishki óniminiń 30%-yn quraıtyn, qazir osy kórsetkish 5 paıyzdan aspaıdy. Elimiz azyq-túlik ımportyna táýeldi. Mysaly, 2022 jyly syrttan 600 myń tonna sút, 170 myń tonna et ónimderi ákelingen. Al qus etiniń 36%-y ımporttaımyz. Bul agrarlyq áleýeti bar el úshin uıat. Biz shetelden azyq-túlik alyp, qanshama qarajattan qaǵylyp otyrmyz. Sol sebepten onyń baǵasy kún sanap qymbattap, halyqtyń narazylyǵyn týdyrýda. Biz qolymyzdan keletindi jasaı almaı otyrmyz. Halqymyz bank júıesinen de zardap shegýde. Sebebi paıyzdyq ústemaqysy óte joǵary. Bul – ashyq tonaý. Halyq qaryzǵa ábden batqan. Muǵalimder bala oqytýdan, dárigerler adam emdeýden qalyp barady. Barlyq jerde qaǵazbastylyq. Joǵarydan túsken standarttar, protokoldar olardy soǵan májbúrleýde. Biz densaýlyqty naryqqa aınaldyryp jiberdik. Basty baılyǵymyz – adam degen qur sózge aınaldy. Jalpy, áleýmettik salada másele óte kóp. El qurǵaq ýádege toıdy», – dep tóraǵa orynbasary ózekti máselelerge toqtaldy.
Jıgýlı Daırabaevtyń aıtýynsha, «Aýyl» partııasy Májiliske barǵanda qandaı sheshimderdi usynatynyn atap ótti.
«Birinshiden, azyq-túlik týraly zańdy» halyqpen aqyldasyp qabyldaý kerek. Ekinshiden, aýyldyń ınfraqurylymyn qalpyna keltiremiz. Úshinshiden, 100% memlekettik kapıtalmen Agrobank quramyz. Tórtinshiden, aýyl sharýashylyq tehnıkasyn jańalap, azamattardy jumyspen qamtý maqsatynda otandyq tehnıkaǵa basymdyq beremiz», – dedi kandıdat.
Sonymen qatar pikirsaıystyń ekinshi kezeńinde Qazaqstan fermerler qaýymdastyǵynyń basqarma tóraǵasy Jıgýlı Daırabaev aýyldyń áleýetin kóterý úshin adamı faktorlardy birinshi orynǵa qoıý kerek ekenin atap ótti.
«Sońǵy jyldary 1450 aýyl kartadan joıylyp ketti. Árbir aýyldyń jaǵdaıyn kóterý úshin, sanyna qaramaı, adamı faktordy birinshi kezekke qoıyp, qyzmet etýimiz kerek. «Aýyl» partııasynyń saılaýaldy jospary oryndalsa, aýyl kórkeıedi. Franklın Rýzvelttiń bir sózin aıtaıyn: «Eger fermer búgin ólse, erteń bárimiz de ólemiz». Memleketti qalpyna keltirý úshin aýyl sharýashylyǵyn, aýyl ınfraqurylymyn qalpyna keltirý kerek. Sonda ǵana biz gúldengen memleket bolamyz», – dep ol.
Debat barysynda Jıgýlı Daırabaev saılaýshylarǵa úndeý tastap, 19 naýryzda «Aýyl» partııasyn qoldaýǵa shaqyrdy.
«Aýyl» partııasy Májiliske kelgende esh keıinge shegermesten, munaı-gazben qatar aýyl sharýashylyǵyn da negizgi sektor retinde aıqyndaımyz. Sol kezde baǵa arzandaıdy, azyq-túlik qoljetimdi bolady, halqymyz toq júredi. Eń bastysy, Astana, respýblıkalyq mańyzy bar qalalar ǵana emes, óńirler men aýyldyq aımaqtar da damıdy. Esterińizde bolsyn, aýylda qurylǵan bir jumys orny – qaladaǵy segiz adamǵa azyq. Sondyqtan bul máseleni sheshý – memleketimiz úshin strategııalyq mańyzdy. Osylaısha, biz baqýatty aýyl, damyǵan qala men qýatty memleket qalyptastyrý jolynda jumys isteımiz. 19 naýryz kúni barshańyz saılaýǵa kelip, bizge daýys berińizder! Alǵa, Qazaqstan! Alǵa, «Aýyl» partııasy!», – dep qorytyndylady sózin kandıdat.
Tapsyrys berýshi: «Aýyl» HDPP;
«Aýyl» HDPP saılaý qory qarajaty esebinen tólendi
