«جاسىراتىنى جوق، ساۋلە (ابىلداحانقىزى – رەد.) مەن سايراگۇلدىڭ جاعدايىندا مەن تولىق ساۋلەنىڭ جاعىنداعى اداممىن. ويتكەنى، ساۋلەنىڭ ەڭبەگىنە، ىنتاسىنا كۋامىن. ەڭ باستىسى، ادامدا كوڭىل دەگەن بولادى عوي. ونى جاقسى بىلەمىن. سول ءۇشىن كەزىندە سايراگۇلگە «مۇنىڭ ادامگەرشىلىككە جاتپايدى» دەپ رەنىشىمدى ايتقان ەدىم. ءارى وزىنە تىكەلەي «سەن مەنىڭ ادۆوكاتتاعىمنان ءوزىڭ باس تارتپاساڭ، مەن سەنى وسڭىنا دەيىن قورعايمىن» دەپ ايتقانمىن. بىراق قاتتى رەنجىگەنىمدى جاسىرمادىم. سوعان بايلانىستى بولار دەپ ويلايمىن، بىلمەيمىن.
ء"وزى ماعان وكپەم جوق",- دەيدى. "باستاپقى كەزدەردە تەلەفون كوتەرمەدىڭ" دەپ رەنجىدى. سول كەزدە مەن سايراگۇلگە: «كوز الدىڭا ەلەستەت، قىزىڭ ۇكىلىاي و دۇنيەلىك بولسا، ەشتەڭە بولماعانداي جۇمىس ىستەپ، تەلەفونمەن سويلەسىپ وتىرا الاسىڭ با؟» دەدىم. ال مەن سايراگۇلدىڭ ءبىر دە ءبىر سوتىنا، ءبىر دە ءبىر جينالىسىنا بارماي قالماق تۇگىلى، كەشىگىپ كورگەن ادام ەمەسپىن. ءبارىن ۋاقىتىلى ۇيلەستىرىپ ءجۇردىم. ال قاڭتاردىڭ 4 كۇنى رەسپۋبليكالىق كوشى-قون كوميتەتىنەن قاناعاتتاندىرماۋ تۋرالى جاۋاپ الدىم، "سوتقا شاعىم جازامىن" دەدىم. اۋىر قازاعا تاپ بولعانىما قاراماستان سايراگۇلدىڭ ماسەلەسى جونىندە تالاپ-ارىز جازىپ، سوتقا تىركەتتىم. سول كەزدە ول حالىققا ۆيدەو مالىمدەمە جاسايدى. ايتقانى – ابزال قۇسپان مەن حابارلاسقاندا كوتەرمەدى. ارينە، اشۋلاندىم. تالاپ-ارىزىمدى اكەلدىم سوتقا. سوندا سايراگۇل كەشىرىم سۇراپ، قايتادان مەنىڭ قورعاۋىمدى ءوتىندى. كەلىستىم. نەگىزى، قاتتى رەنجىگەنمىن.
15 اقپان سوت بولۋى ءتيىس. ەندى قازاق دەگەن كوڭىلى اشىق قوي، اۋىر قازاعا دۋشار بولساڭ، كوڭىل شايعا شاقىرادى. ءسويتىپ 12 اقپان كوڭىل شايعا بارىپ، داستارحان باسىندا وتىرسام، سايراگۇل حابارلاستى. تۇتقانى كوتەرىپ، كەيىن حابارلاساتىنىمدى، قولىمنىڭ بوس ەمەستىگىن ايتتىم. ول سوت تۋرالى سۇراستىرىپ، حابارلاما جازىپ جىبەرىپتى. مەن 15 اقپان بولاتىنىن ايتتىم. سويتسەم، "سوت بولىپ كەتىپتى" دەيدى، ال وندا ەكەۋمىز دە بولمادىق. بۇعان الاڭداعان مەن سوت ءبولىمىنىڭ حاتشىسىنا حابارلاسىپ ەدىم، ول «ەشقانداي وزگەرىس جوق، سوت 15 اقپان بولادى» دەدى. ال مەن 14 اقپانعا بيلەت الىپ قويعان ەدىم. ال ول تاعى ۆيدەو جاريالاپ قويىپتى. تاعى رەنجىدىم. كەشە تۇسكى ۋاقىتقا دەيىن سايراگۇلمەن تەلەفون ارقىلى سويلەسىپ ءجۇردىم، ويىمدا ەشتەڭە جوق. كەشە ورالدان ۇشاققا وتىرىپ، استاناعا ۇشىپ باردىم، استانادان تاڭعى ساعات 4-تە الماتىعا ۇشىپ كەلدىم. الماتىعا كەلىپ، الگى ۆيدەونى كوردىم.
بۇل – بالانىڭ ويىنى ما، الدە كۇردەلى ويىندار ءجۇرىپ جاتىر ما، بىلمەدىم. مەنىڭ بىلەتىنىم، مەن اشىق اۋىز، اڭقاۋ ادۆوكات ەكەنمىن.
امال جوق، 3000 شاقىرىم جەردى ارتقا تاستاپ كەلگەن سوڭ، تالدىقورعانعا باردىم. باردىم دا كوزىنە قاراپ ءبارىن ايتتىم. ماعان تالابى بار ما، ايتارى بار ما، ءبارىن سۇرادىم. «جوق» دەيدى. اشۋلانامىن، ارينە.
ءسويتىپ، ايمان وماروۆاعا ساتتىلىك تىلەدىم دە، قايتىپ بارامىن. بۇل ءىستى وسىمەن ءتامامدادىم. مەن ويىنشىق ەمەسپىن عوي»، - دەدى ابزال قۇسپان Qamshy.kz اقپارات اگەنتتىگىنىڭ تىلشىسىنە.
"Qamshy.kz "
