بۇل تۋرالى بولات جامىشەۆتىڭ توراعالىعىمەن وتكەن «سامۇرىق-قازىنا» ۇاق قوعامدىق كەڭەسىنىڭ وتىرىسىندا قوردىڭ باسقارۋشى ديرەكتورى عيبرات اۋعانوۆ حابارلادى.
قوعامدىق كەڭەستىڭ كەزەكتى اشىق وتىرىسى «سامۇرىق-قازىنا» قورىنا قارايتىن كومپانيالارداعى ەڭبەكتى قورعاۋ ماسەلەسىنە ارنالدى. وعان كەڭەس مۇشەلەرىمەن قاتار، قازاقستاندىق قوعام بەلسەندىلەرى، ساياساتكەرلەر مەن ساراپشىلار قاتىستى.
«سامۇرىق-قازىنا» قورىنىڭ قوعاممەن بايلانىس، الەۋمەتتىك-ەڭبەك قاتىناستارى جانە ەڭبەكتى قورعاۋ بويىنشا باسقارۋشى ديرەكتورى عيبرات اۋعانوۆتىڭ ايتۋىنشا، 2022 جىلى قولعا الىنعان شارالاردىڭ ناتيجەسىندە كومپانيالار توبىنداعى جالپى جاراقاتتانۋ دەڭگەيى 2021 جىلمەن سالىستىرعاندا 16% قىسقارعان. LTIF جاراقاتتانۋ كوەففيتسيەنتى، ياعني جۇمىسشىنىڭ ۋاقىتشا ەڭبەككە جارامسىزدىعىنا اكەلگەن جاراقاتتاردىڭ جيىلىگى 0,16-نى قۇراسا، ءولىم جاعدايلارىنىڭ كوەففيتسيەنتى 11%-عا تومەندەدى.
عيبرات اۋعانوۆ بۇل رەتتە پورتفەلدىك كومپانيالار مەن تاۋەلدى، ەنشىلەس ۇيىمداردىڭ ءبىرىنشى باسشىلارىنىڭ جەكە جاۋاپكەرشىلىگىن ارتتىرۋ قولعا الىنعانىن اتاپ ءوتتى.
«ونىڭ اياسىندا قازاقتەلەكوم، KEGOC, QazaqGaz جانە Samruk-Kazyna Ondeu كومپانيالارىندا قور تاجىريبەسىنە سۇيەنە وتىرىپ العاش رەت وندىرىستىك قاۋىپسىزدىك بويىنشا مامانداندىرىلعان فورۋمدار وتكىزىلدى. وندا تاۋەلدى ەنشىلەس ۇيىمدار مەن قۇرىلىمدىق بولىمشەلەردىڭ باسشىلارى وندىرىستىك قاۋىپسىزدىك بويىنشا ءوز موينىنا جەكە مىندەتتەمەلەردى الدى. بۇدان بولەك، پورتفەلدىك كومپانيالاردىڭ ءبىرىنشى باسشىلارى كەمىندە 2 ايدا 1 رەت ەنشىلەس، تاۋەلدى ۇيىمداردىڭ وندىرىستىك الاڭدارىنا بارىپ، تەكسەرۋ جۇرگىزۋ ءتارتىبى بەلگىلەندى. بۇل جۇمىس قازىرگى تاڭدا دا جۇرگىزىلىپ جاتىر. 2022 جىلى مۇنداي 43 تەكسەرۋ بولدى»، – دەدى عيبرات اۋعانوۆ.
سونداي-اق، ول ۇلىبريتانيانىڭ قاۋىپسىزدىك تەحنيكاسى جانە دەنساۋلىق ساقتاۋ ينستيتۋتى ماقۇلداعان «ەڭبەك قاۋىپسىزدىگىنىڭ مادەنيەتى» اتتى كورپوراتيۆتىك وقۋ كۋرسىن ازىرلەنگەنىنە نازار اۋداردى. بۇل كۋرس بويىنشا وندىرىستىك قىزمەتكەرلەردى 100% وقىتۋدى جوسپارلانعان.
