"Amanat" پارتياسىنىڭ وكىلى ولجاس سۇلەيمەن سايلاۋدان شەتتەتىلدى

2230
Adyrna.kz Telegram

Amanat پارتياسىنىڭ بەلسەندى، تانىمال مۇشەلەرىنىڭ ءبىرى ولجاس سۇلەيمەن سايلاۋالدى دودادان شەتتەتىلدى، دەپ حابارلايدى "ادىرنا" ۇلتتىق پورتالى.

بۇل تۋرالى پارتيا وكىلى ءوزىنىڭ Instagram-داعى پاراقشاسىندا حابارلادى. ايتۋىنشا، ونىڭ اگيتاتسيالىق جۇمىسىنان سايلاۋ زاڭىنا سايكەس قۇقىقبۇزۋشىلىق تابىلعان.

- قۇرمەتتى دوستار، وكىنىشكە وراي سوتتىڭ ۇكىمى بويىنشا مەنىڭ اگيتاتسيا جۇمىسىمنان سايلاۋ زاڭىنا سايكەس قۇقىقبۇزۋشىلىق تابىلدى دەگەن ايىپپەن مەنى سايلاۋدان شەكتەتۋ بويىنشا شەشىم قابىلدانعان ەكەن. ەستەرىڭىزدە بولسا ءبىز №5 وكرۋگ تۇرعىندارىمەن كەزدەسۋ ماقساتىندا ءموبيلدى شتابىمىزبەن ءوز وكرۋگىمىزدى ارالاعان بولاتىنبىز. بەلگىلى ادامدار بۇل جۇمىستى بۇرمالاپ، ىشىنەن زاڭبۇزۋشىلىق تاپقان ەكەن. ءبىز سايلاۋشىلاردى ساتىپ الۋ ماقساتىندا ەمەس، الماتى ۇلكەن قالا بولعاندىقتان، ەمىن-ەركىن سويلەسىپ، ويلارىن تىڭدايىق دەگەن باستى ماقسات ەدى. بۇكىل كرەاتيۆتەرىمىزدى قوسىپ، قىزۋ جۇمىستى ەندى باستاپ جاتىر ەدىك. وكىنىشتى…….، - دەپ جازدى ول.

سۇلەيمەن ساياسي ناۋقاننىڭ العاشقى كۇندەرىنەن باستاپ قولداۋ كورسەتكەن بارشا ادامعا العىسىن ءبىلدىردى.

- ناۋقاننىڭ العاشقى كۇندەرىنەن باستاپ قولداۋ كورسەتكەن بارشا دوستارىما، اعا-ىنىلەرىمە، جاقىندارىما، قارىنداستارىما العىسىم شەكسىز. وسى ناۋقان ارقاسىندا اينالامدا وتە جاقسى ادامدار كوپ ەكەنىنە كوزىم جەتتى، وسىعان اللاعا شۇكىر ەتەمىن. سەنگەن بارشا ادامدارعا (كومانداما، دوستارىما) تاعىدا العىس ايتامىن. ناۋقانسىزدا، مانداتسىزدا جۇمىسىمىزدى ارى قاراي جالعاستىراتىن بولامىز. وسى دوداعا ءتۇسىپ جاتقان بارشا ۇمىتكەرلەرگە ساتتىلىك تىلەيمىن!، - دەپ تۇيىندەدى ول.

"ادىرنا" ۇلتتىق پورتالى 

پىكىرلەر