اقتاۋ اكىمىنە 172 مىڭ تەڭگە ايىپپۇل سالىندى

1962
Adyrna.kz Telegram

اقتاۋ قالاسىنىڭ اكىمى ەربول ىزبەرگەنوۆقا ايىپپۇل سالىندى. ول بۇرىن زاڭدى كۇشىنە ەنگەن سوت شەشىمىن ورىنداماعان، دەپ حابارلايدى «ادىرنا» ءتىلشىسى.

ماڭعىستاۋ وبلىسىنىڭ مامانداندىرىلعان اۋدانارالىق اكىمشىلىك سوتى جشس-ءنىڭ اقتاۋ قالاسى اكىمىنە بەرگەن تالابىن قاناعاتتاندىرعان. سوت اقتاۋ اكىمىنىڭ جەر ۋچاسكەسىنىڭ نىسانالى ماقساتىن وزگەرتۋدەن باس تارتۋىن جشس-ءنىڭ بىرىنە زاڭسىز دەپ تانىعان جانە قالا اكىمىنە ءبىر اي ىشىندە جشس پايداسىنا قولايلى اكىمشىلىك اكت قابىلداۋعا مىندەتتەگەن. الايدا سوت شەشىمى سوت كورسەتكەن مەرزىمدە ورىندالمادى.

«اكىمشىلىك كودەكستىڭ تالاپتارىنا سايكەس، سوت شەشىمدەرىن ورىنداۋ سوتتىڭ باقىلاۋىندا جانە ولاردى ورىنداۋدان جالتارۋ 50 اەك مولشەرىندە اقشالاي ءوندىرىپ الۋعا اكەپ سوعادى. ناتيجەسىندە، سوت ۇيعارىمىمەن اقتاۋ قالاسىنىڭ اكىمىنە قاتىستى 50 اەك مولشەرىندە، ياعني 172 500 تەڭگە اقشالاي ءوندىرىپ الۋ شاراسى قولدانىلعان. اكىم اقشالاي ءوندىرىپ الۋدى 5 كۇن ىشىندە تولەۋى جانە سوت شەشىمىن 10 كۇن ىشىندە ورىنداۋى كەرەك. ايتپەسە، اقشالاي ءوندىرىپ الۋ 10 اەك-كە ۇلعايتىلعان مولشەردە قايتا قولدانىلاتىن بولادى»، - دەپ ءتۇسىندىردى سوتتىڭ ءباسپاسوز قىزمەتى.

پىكىرلەر