Aqtaý ákimine 172 myń teńge aıyppul salyndy

1963
Adyrna.kz Telegram

Aqtaý qalasynyń ákimi Erbol Izbergenovqa aıyppul salyndy. Ol buryn zańdy kúshine engen sot sheshimin oryndamaǵan, dep habarlaıdy «Adyrna» tilshisi.

Mańǵystaý oblysynyń mamandandyrylǵan aýdanaralyq ákimshilik soty JShS-niń Aqtaý qalasy ákimine bergen talabyn qanaǵattandyrǵan. Sot Aqtaý ákiminiń jer ýchaskesiniń nysanaly maqsatyn ózgertýden bas tartýyn JShS-niń birine zańsyz dep tanyǵan jáne qala ákimine bir aı ishinde JShS paıdasyna qolaıly ákimshilik akt qabyldaýǵa mindettegen. Alaıda sot sheshimi sot kórsetken merzimde oryndalmady.

«Ákimshilik kodekstiń talaptaryna sáıkes, sot sheshimderin oryndaý sottyń baqylaýynda jáne olardy oryndaýdan jaltarý 50 AEK mólsherinde aqshalaı óndirip alýǵa ákep soǵady. Nátıjesinde, sot uıǵarymymen Aqtaý qalasynyń ákimine qatysty 50 AEK mólsherinde, ıaǵnı 172 500 teńge aqshalaı óndirip alý sharasy qoldanylǵan. Ákim aqshalaı óndirip alýdy 5 kún ishinde tóleýi jáne sot sheshimin 10 kún ishinde oryndaýy kerek. Áıtpese, aqshalaı óndirip alý 10 AEK-ke ulǵaıtylǵan mólsherde qaıta qoldanylatyn bolady», - dep túsindirdi sottyń baspasóz qyzmeti.

Pikirler