"بولاشاقتى" ءبىتىرىپ كەلگەن جاستار نەگە ءبىر تەxنولوگيا ويلاپ تاپپايدى دەگەن پىكىرلەر باسىم. 25 جىل بولعان باعدارلاماعا قويار xالىقتىڭ سۇراعى دا، كۇتەرى دە كوپ. ورىندى سىندار دا ايتىلادى.
مەنىڭ ءوزىمنىڭ جەكە پىكىرىم، اقش نە ەۆروپادا "بولاشاقپەن" ەمەس، سول شەتەلدىڭ گرانتىن ۇتىپ الىپ، ءوز كۇشىمەن ءبىتىرىپ كەلگەن جاستاردان كوپ نارسە كۇتۋگە بولادى. سەبەبى، شەتەلدىڭ مىقتى وقۋ ورىندارىنان گرانت الۋ ءۇشىن نە تۋما تالانتىڭ، نە باسىڭ ىستەۋى كەرەك.
"بولاشاقتىڭ" تۇلەكتەرى بىزدەر بايدىڭ بالالارى سەكىلدىمىز. باي ءارى بيزنەسمەن اكە ءوز بالاسىنا قالاي اقشا شاشىپ وقىتسا،
ءبىزدىڭ "بولاشاق" تۇلەكتەرىنىڭ بيزنەسمەن ءارى بايلىعى تاسىعان، وقۋ اقىسىن تولەيتىن اكەمىز - مەملەكەت. شەتەلگە نە اقشا تولەسەڭ جانە اعىلشىندى ءتيىستى دەڭگەيدە بىلسەڭ بولدى. وقۋ ورىندارىنىڭ كوبى جەكە مەنشىك. ولارعا دا اقشاسىن اياماي قۇياتىن بايدىڭ بالالارى كەرەك. تاعى ءبىر كەمشىلىك، "بولاشاققا" ءتۇسۋدىڭ نەگىزگى كريتەريلەرىنە ءتىلدى ءبىلۋ (ونىڭ وزىندە قوسىمشا ءتىل كۋرسىنا جىبەرەدى) مەن ديپلومنىڭ ورتاشا بالى ماڭىزدى. بالانىڭ ءتىلدى جاقسى ءبىلۋى ول "تالانتتى" دەگەن ءسوز ەمەس. اعىلشىنى سايراپ تۇرىپ بىراق وزىندە ونەرتاپقىشتىق تالانت نە كرەاتيۆتى ويلاۋ ساناسى قۇدايدان نە مەكتەپتەگى مۇعالىمنەن بەرىلمەسە ءبارى بەكەر. ديپلومنىڭ ورتاشا بالىن كەلىسىپ شەشە سالۋ دا قازاقستاندا پروبلەما ەمەس. ساباققا قاتىسپاي ەمتيxانعا بىراق بارىپ، بەرەتىنىن بەرىپ، باعانى الىپ كەتە بەرۋگە بولاتىن ءبىلىم جۇيەمىز بار.
ءوزىمنىڭ جەكە پىكىرىم، "بولاشاققا" جاستاردى قابىلداۋدا ءتىل دەڭگەيىنە ەمەس ء(تىلدى وقۋدى باستاماي تۇرىپ ءبارىبىر وقىتىپ جاتىر) تالانتىنا، شىعارماشىلىق جەتىستىكتەرىنە، لوگيكاسى مەن قابىلەتىنە باسىمدىق بەرەتىن جاڭا كريتەريلەرمەن قابىلداعان ءجون دەپ ويلايمىن.
مىسالى، "بارسەلونا" كلۋبى مەسسيدى بالا كەزىندە يسپان ءتىلىن جاقسى بىلگەنى ءۇشىن ءوسىرىپ باپتامادى عوي. مەسسيدى ناقتى الاڭعا شىققاندا دوپتى قالاي يگەرەتىن تالانتى، دارىنى مەن قابىلەتى ءۇشىن قاتارىنا الىپ، الەمنىڭ ۇزدىك فۋتبولشىسى دەڭگەيىنە شىعاردى. الەمنىڭ ۇزدىگى بولاتىنىن الدىن-الا تاني دا ءبىلدى. "بولاشاققا" دا وسى سەكىلدى ناقتى كريتەريلەرمەن 5-6 كلاستا وقيتىن فيزيكا، xيميا، ماتەماتيكا، استرونوميا سىندى عىلىمداردان تالانتتى بالالاردى تىزىمگە الىپ، 11 كلاستى بىتىرگەنشە قانداي وليمپيادا نە xالىقارالىق جارىستارعا قاتىستى، قانداي جۇلدەگە يە بولدى، ءبىر تەxنولوگيا قۇراستىرا ءبىلدى مە، دارىنى مەن قابىلەتى بار ما دەگەن سۇراقتاردى قويىپ بارىپ قابىلدايتىن، سيستەمنىي پودxودپەن قازاق جاستارىمەن جۇمىس جاسايتىن جۇيەلىلىك قاجەت. سول كەزدە ءتىلدى بىلگەندەر ەمەس، باسى ىستەيتىن تالانتتار، ناقتى جەتىستىككە جەتەتىن دارىندى جاستار العا شىعىپ بىردەڭە وزگەرۋى مۇمكىن. ءتىلدى جاقسى ءبىلۋ، سويلەۋ ول تالانتتى نە دارىندى ەكەندىگىڭىزدىڭ كورسەتكىشى ەمەس. ءسىز بار بولعانى ءتىلدى بىلەسىز. بولدى! اعىلشىندى كەرەمەت بىلسە ەرتەڭ "نوبەل" سىيلىعىن الاتىن جاڭالىق اشادى دەگەن ءسوز ەمەس. شىنايى ومىردە تەxنيكالىق پروگرەستى ءتىلدى كەرەمەت مەڭگەرگەندەر ەمەس، باسى ىستەيتىن، ناقتى جۇمىسىن بىلەتىن تالانتتار مەن دارىندار جاسايدى.
