قارادالا ولكەسىنىڭ تۋماسى، احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ اعا عىلىمي قىزمەتكەرى ارايلىم بوتانقىزى ۇيعىر اۋدانى اكىمىنىڭ قوس ۇلتتى الالاپ، ۇلتتىق ساياساتقا سىنا قاعىپ وتىرعان قىزمەتىنە قاتىستى شىندىقتى اشىپ ايتتى. الەۋمەتتىك جەلىدە اشىق پىكىر ءبىلدىردى. ونىڭ ايتۋىنشا، اكىمدىك ۇيعىرلار تۇراتىن اۋىلدارعا عانا كوڭىل بولەدى، كونبىس قازاق تاسادا قالادى.
وتكەن كۇنى ۇيعىر اۋدانى، كەپەبۇلاق اۋىلىندا تىرىدەي جانىپ كەتكەن ازامات پەن بالالار دا اۋدانداعى ديسكريميناتسيانىڭ كەسىرىنەن كوز جۇمعان. بۇل تۇرعىنداردى كۇيىندىرىپ وتىر. بۇل جايلى حابارلايدى "ادىرنا" ۇلتتىق پورتالى جازدى.
احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ اعا عىلىمي قىزمەتكەرى ارايلىم بوتانقىزى ۇيعىر اۋدانى اكىمىنىڭ قوس ۇلتتى الالاپ، ۇلتتىق ساياساتقا سىنا قاعىپ وتىرعان قىزمەتىنە قاتىستى شىندىقتى اشتى. ونىڭ ايتۋىنشا، ۇيعىر اۋدانىنىڭ قازىرگى اكىمى نۋراحۋنوۆ شۋحرات تۋرداحۋنۇلى قىزمەتتەن كەتۋى ءتيىس:
- ۇيعىر اۋدانىنىڭ اكىمى وسى نەمەن اينالىسادى؟ ودان نەگە سۇرالمايدى. اۋدانداعى اۋىلدارعا جاۋاپتى سول ەمەس پە؟ كەتسىن ورنىنان. ءبىتىرىپ جاتقان تۇگى جوق. جوق مەنىكى قاتە مە؟ ۇيعىرى بار اۋىلداردىڭ جاعدايى جامان ەمەس. كەپەبۇلاقتا (بودەتى) ۇيعىر بولماعانى ءۇشىن كىنالى مە؟ كەشەگى جاركەنتتىڭ تاكسيستەرىنىڭ ءبىر اۋىز سوزىنە ورە تۇرەگەلگەن كوپ شۋىلداق، قايداسىزدار؟! ادام ءولىپ جاتىر. ونداي كەزدە ماسەلە تەك سول اۋدانعا قاتىستى بولىپ قالادى. دوسىم دەگەن جىگىت ەكى بالاپانىمەن تىرىدەي جانىپ كەتتى، - دەپ كۇيىندى اۆتور.
ايشىقتاي كەتەيىك، الماتى وبلىسى، ۇيعىر اۋدانى، كەپەبۇلاق اۋىلىندا جان تۇرشىگەرلىك قايعىلى جاعداي بولدى. ۇيدە شىققان ورتتەن اكەسى مەن كىشكەنتەي ەكى پەرىشتە بالاسى تىرىدەي جانىپ كەتتى. اۋىلدا ءورت ءسوندىرۋ قىزمەتىن شاقىرۋ ءۇشىن ۇيالى بايلانىس تا بولماعان.
وقىرماندار قازاقتار تۇراتىن اۋىلدارعا مۇلدەم كوڭىل بولىنبەيتىنىن راستادى. ولار:
"قايتىس بولعان جىگىتتى جاقسى تانۋشى ەدىم. اڭقىلداعان اقكوڭىل جىگىت ەدى. سونشاما ۋاقىت بەيقامدىققا سالىنىپ جۇرگەن شەندىلەر جاۋاپ بەرسىن. كەتپەن مەن كىشى ديحاندا بار ۇيالى بايلانىس، كەپەبۇلاققا جەتپەدى دەگەن ءجاي سىلتاۋ عانا. التىناي مەن مەيراش تاتە قانداي كۇيدە ەكەنىن كوزىمە ەلەستەتە المايمىن. 3 بوتاسىنان ايىرىلعان مۇرات اعانىڭ جاعدايىن تىپتەن. سول باياعى ءجۇردىم-باردىم قاراۋدىڭ سالدارى...";
ء"بىزدىڭ ۇلكەن ديقاندا اناۋ ايتقانداي كەرەمەت بولماسا دا بايلانىس بار. قازاقتار عانا تۇرسا مۇلدەم جوق بولار ما ەدى. جايلارى جانناتتان بولسىن" دەدى ولار.
"ادىرنا" ۇلتتىق پورتالى
