وتاندىق فوتوونەر ماماندارى قازۇۋ-دا ەلىمىزدە العاش رەت «دەرەكتى فوتو» كۋرسىنان بىلىمدەرىن جەتىلدىرەدى

2268
Adyrna.kz Telegram

قازاقستاندا العاش رەت رەسپۋبليكالىق «فوتوونەر» قوعامدىق بىرلەستىگىنىڭ باستاماسىمەن ءال-فارابي اتىنداعى قازاق ۇلتتىق ۋنيەرسيتەتى، جۋرناليستيكا فاكۋلتەتى مەن National Geographic Qazaqstan جۋرنالىنىڭ قولداۋىمەن تانىمال فوتوونەر مايتالمانى، الەمدىك 10 ۇزدىك فوتوگرافتىڭ ءبىرى سەرىك مۇقىشۇلىنىڭ «دەرەكتى فوتو» كۋرسى باستالعالى وتىر. كۋرس ءتورت كەزەڭدى قامتيدى، بۇل جىلدىڭ ءتورت مەزگىلى. سوندىقتان دەرەكتى فوتو كۋرسى ءبىر جىل جۇرگىزىلدى.

ەلىمىزدىڭ  باق سالاسىنداعى كاسىبي فوتوجۋرناليستەرى باستاماسىمەن 2010 جىلى قۇرىلعان «فوتوونەر» قوعامدىق بىرلەستىگى بيىل 13 جاسقا، ياعني العاشقى مۇشەل جاسقا تولىپ وتىر. بىرلەستىكتىڭ جالپى جينالىسىنىڭ شەشىمىمەن بيىل، قازاقستانداعى العاشقى «دەرەكتى فوتو» كۋرسى جوباسى قولعا الىندى. ماقساتى – الەمدىك دەڭگەيدەگى «دەرەكتى فوتو» مامانىن دايارلاۋ.

كۋرس جەتەكشىسى سەرىك مۇقىشۇلى جوبانىڭ كونتسەپتسياسى، وقىتۋ جوسپارىن ىرىكتەلگەن قاتىسۋشىلارعا ۇسىندى. الدا ولارمەن قىزىقتى، ءارى تانىمدىق، پايداسى زور فوتوگرافيالىق قوعامنىڭ باسەكەلەستىگى ارتپاق. ايتا كەتەرلىگى، كۋرستا قازاقستاننىڭ ءىرى مەگوپوليستەرىنەن، ءار ايماقتارىمەن قاتار ءال-فارابي اتىنداعى قازۇۋ-دىڭ وقىتۋشىلارى مەن ستۋدەنتتەرى دە كۋرسقا قاتىسۋشىلار تىزىمىندە بار. كۋرسقا  فوتوگرافيا سالاسىنداعى 20 ادام قاتىسۋعا جولداما الدى.  سوندىقتان، شارانىڭ تەوريالىق بولىمدەرى ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىندە فاكۋلتەت دەكانى نۇرجان قۋانتايۇلى قولداۋىمەن قاراشاڭىراقتىڭ ءدارىسحانالارىندا جۇرگىزىلەدى.

كۋرستىڭ اشىلۋى اقپاننىڭ 24-ءشى جۇلدىزىندا ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىنىڭ 230 اۋديتوريادا ساعات 10.00-دە باستالادى. العاشقى كۇن قاتىسۋشىلاردىڭ فوتوتاپسىرمالارىن تەكسەرۋ، تالداۋ جانە باعالاۋ، پورترەت تۇسىرە ءبىلۋ، دەرەكتى فوتونىڭ نەگىزىگى تالابى، دەرەكتى فوتونىڭ ءرولى، دەرەكتى فوتو جونىندەگى ولشەمدى مىسالدار، فوتوسۋرەتتى رەداكتسيالاۋ، «دەرەكتى فوتوگراف بولۋعا نە كەرەك؟»، «فوتورەپورتاج بەن دەرەكتى فوتونىڭ ايىرماشىلىعى بار ما؟» جانە قىتايداعى فوتوگرافيانىڭ دامۋ بەتالىسى  تاقىرىپتارىن قاميتىن بولادى.

ەندەشە، فوتوونەردىڭ شوقتىعى بيىك دەرەكتى فوتو جانرىندا ىزدەنەمىن دەگەن قاتىسۋشىلاردىڭ جۇمىسىن جىلدىڭ كۇزگى ماۋسىمىندا باعالايتىن بولامىز.  بىرلەستىكتىڭ وسى جانە وزگە دە جوبالارى جايلى اقپاراتتى كۋرتسىڭ اشىلۋى كۇنگى شارادان بىلە الاسىزدار.

بىزبەن بايلانىس ءۇشىن:

اسىلحان ءابدىرايىمۇلى،

«فوتوونەر» قب توراعاسى.

تەل:. +7 777 216 27 81.

ەل. پ.: fotooner@mail.ru.

قوسىمشا مالىمەتتەر ءۇشىن: www. photooner.kz

 

"ادىرنا" ۇلتتىق پورتالى 

پىكىرلەر