ماۋلەن اشىمباەۆ: «ينكليۋزيۆتى سپورت تۇرلەرى ەرەكشە بالالارعا دەنە شىنىقتىرۋعا جانە ورتاعا بەيىمدەلۋگە مۇمكىندىك بەرەدى»

2430
Adyrna.kz Telegram

سەنات توراعاسى ماۋلەن اشىمباەۆ بوچچادان استانا قالالىق ءتۋرنيرىنىڭ اشىلۋ راسىمىنە قاتىستى. سايىس اتالعان پاراليمپيادالىق سپورت تۇرىنەن العاشقى جاتتىقتىرۋشى جانە ەلوردالىق بوچچا فەدەراتسياسىنىڭ ءبىرىنشى پرەزيدەنتى سۇلتانبەك ورىنباساروۆتى ەسكە الۋعا ارنالدى.

جارىس «قازاقستان بوچچا فەدەراتسياسى» رەسپۋبليكالىق قوعامدىق بىرلەستىگى مەن «تەڭ مۇمكىندىكتەر الەمى» قوعامدىق قورىنىڭ ۇيىمداستىرۋىمەن جانە استانا قالاسى اكىمدىگى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قولداۋىمەن ءوتتى.

ءوز سوزىندە ماۋلەن اشىمباەۆ تۋرنيرگە قاتىسىپ جاتقان سپورتشىلاردىڭ مۇقالماس جىگەرى تۋرالى جانە ەلىمىز بويىنشا جۇزدەگەن بالانىڭ جەڭىسكە دەگەن قۇشتارلىعىن وياتقان جاتتىقتىرۋشى سۇلتانبەك ورىنباساروۆتىڭ ەرەن ەڭبەگى جونىندە ايتتى. س.ورىنباساروۆ ەلوردالىق بوچچا فەدەراتسياسىنىڭ نەگىزىن قالاي وتىرىپ، وسى سايىسقا قىزىعۋشىلاردىڭ الدىنا پاراليمپيادا ويىندارىنىڭ چەمپيونى بولۋ دەگەن بيىك ماقساتتار قويا ءبىلدى.

سەنات سپيكەرى تۋرنيرگە قاتىسۋشىلارعا ساتتىلىك تىلەپ، سپورت سالاسىندا ينكليۋزيۆتى ورتا قالىپتاستىرۋدىڭ جانە ەرەكشە قاجەتتىلىگى بار ازاماتتاردى وسىنداي سايىستارعا جۇمىلدىرۋدىڭ ماڭىزى زور ەكەنىن اتاپ ءوتتى. سونداي-اق ول ەرەكشە قاجەتتىلىگى بار ازاماتتاردى قولداۋ جونىندە كەشەندى جۇمىس جۇرگىزۋ جانە ءار ادام ءوزىن جايلى سەزىنەتىن كەدەرگىسىز ورتا قالىپتاستىرۋ مەملەكەتتىڭ الدىندا تۇرعان ماڭىزدى مىندەتتەردىڭ ءبىرى ەكەنىن تىلگە تيەك ەتتى.

«مەملەكەت باسشىسى قاسىم-جومارت كەمەلۇلى توقاەۆ ەرەكشە قاجەتتىلىگى بار ازاماتتاردى قولداۋ ماسەلەسىنە ۇنەمى باسا ءمان بەرىپ كەلەدى. پاراليمپيادالىق سپورت تۇرلەرى، ءبىرىنشى كەزەكتە، رۋحى اسقاق، جىگەرى مىقتى، ماقساتى ايقىن ادامدارعا ارنالعانى ءسوزسىز. سوڭعى جىلداردا ەلىمىزدە بۇل سالانىڭ قارقىندى دامىپ كەلە جاتقانى قۋانتادى. بۇگىنگى سايىسقا قاتىسىپ جاتقان جاس سپورتشىلارىمىز الداعى ۋاقىتتا حالىقارالىق جارىستاردا ەل نامىسىن ابىرويمەن قورعايدى دەپ سەنەمىن», – دەدى ماۋلەن اشىمباەۆ.

سونىمەن قاتار پالاتا توراعاسى سەنات بۇل باعىتتاعى سپورتشىلارعا جان-جاقتى، ونىڭ ىشىندە زاڭنامالىق دەڭگەيدە دە قولداۋ كورسەتۋدى جالعاستىرا بەرەتىنىن ايتتى. وسى رەتتە قازاقستان بوچچا فەدەراتسياسىنىڭ كەزەكتەن تىس كونفەرەنتسياسىندا سەنات توراعاسى ماۋلەن اشىمباەۆ اتالعان فەدەراتسيانىڭ پرەزيدەنتى بولىپ سايلانعانىن اتاپ وتكەن ءجون.

بۇل ءتۋرنيردىڭ تاعى ءبىر ەرەكشەلىگى رەتىندە وعان ل.ن.گۋميلەۆ اتىنداعى ەۇۋ-ءدىڭ كوزى ناشار كورەتىن ستۋدەنتتەرىنىڭ دە قاتىسۋىن ايتۋعا بولادى. ۇيىمداستىرۋشىلار اتاپ وتكەندەي، مۇنداي سايىستار مۇگەدەكتىگى بار بالالاردىڭ ورتاعا بەيىمدەلۋىنە جانە وزگەلەرمەن قارىم-قاتىناس جاساۋ قابىلەتىن جەتىلدىرۋگە ىقپال ەتەدى.

بۇگىنگى جارىسقا 50-دەن استام سپورتشى قاتىستى. باق سىناعانداردىڭ قاتارىندا دتسپ، كوزى كورمەۋ، داۋن سيندرومى، اۋتيزم، ينتەللەكتىڭ بۇزىلۋى، پسيحيكالىق دامۋدىڭ باياۋلىعى جانە باسقا دا دەرتكە شالدىققان بالالار مەن ەرەسەك ازاماتتار بار. ولاردىڭ باسىم بولىگى «تەڭ مۇمكىندىكتەر الەمى» قوعامدىق قورىنىڭ بەيىمدەۋ سپورت ۇيىرمەلەرىنە قاتىسۋشىلار. مۇنداي ۇيىرمەلەر «سالاماتتى قازاقستان» الەۋمەتتىك جوباسى اياسىندا ەلىمىز بويىنشا اشىلعان بولاتىن.

انىقتاما: بوچچا – دوپپەن وينايتىن سايىس ءتۇرى. وعان تىرەك-قيمىل اپپاراتى بۇزىلعان ادامدار قاتىسادى. بۇل سپورت ءتۇرى 1984 جىلى پاراليمپيادالىق ويىنداردىڭ باعدارلاماسىنا قوسىلعان. قازاقستاندا 2018 جىلدان بەرى قولعا الىنىپ، مۇگەدەكتىگى بار ازاماتتار، ونىڭ ىشىندە بالالار مەن جاستار اراسىندا كەڭىنەن دامىپ كەلەدى.

 قۇرمەتپەن، ءباسپاسوز قىزمەتى

8 (7172) 74-72-27

سۋرەتتى تۇسىرگەن: ن.بايبۋلين

 

"ادىرنا" ۇلتتىق پورتالى 

پىكىرلەر