Senat Tóraǵasy Máýlen Áshimbaev bochchadan Astana qalalyq týrnıriniń ashylý rásimine qatysty. Saıys atalǵan paralımpıadalyq sport túrinen alǵashqy jattyqtyrýshy jáne elordalyq Bochcha federaııasynyń birinshi prezıdenti Sultanbek Orynbasarovty eske alýǵa arnaldy.
Jarys «Qazaqstan bochcha federaııasy» respýblıkalyq qoǵamdyq birlestigi men «Teń múmkindikter álemi» qoǵamdyq qorynyń uıymdastyrýymen jáne Astana qalasy ákimdigi men L.N.Gýmılev atyndaǵy Eýrazııa Ulttyq ýnıversıtetiniń qoldaýymen ótti.
Óz sózinde Máýlen Áshimbaev týrnırge qatysyp jatqan sportshylardyń muqalmas jigeri týraly jáne elimiz boıynsha júzdegen balanyń jeńiske degen qushtarlyǵyn oıatqan jattyqtyrýshy Sultanbek Orynbasarovtyń eren eńbegi jóninde aıtty. S.Orynbasarov elordalyq bochcha federaııasynyń negizin qalaı otyryp, osy saıysqa qyzyǵýshylardyń aldyna Paralımpıada oıyndarynyń chempıony bolý degen bıik maqsattar qoıa bildi.
Senat Spıkeri týrnırge qatysýshylarǵa sáttilik tilep, sport salasynda ınklıýzıvti orta qalyptastyrýdyń jáne erekshe qajettiligi bar azamattardy osyndaı saıystarǵa jumyldyrýdyń mańyzy zor ekenin atap ótti. Sondaı-aq ol erekshe qajettiligi bar azamattardy qoldaý jóninde keshendi jumys júrgizý jáne ár adam ózin jaıly sezinetin kedergisiz orta qalyptastyrý memlekettiń aldynda turǵan mańyzdy mindetterdiń biri ekenin tilge tıek etti.
«Memleket basshysy Qasym-Jomart Kemeluly Toqaev erekshe qajettiligi bar azamattardy qoldaý máselesine únemi basa mán berip keledi. Paralımpıadalyq sport túrleri, birinshi kezekte, rýhy asqaq, jigeri myqty, maqsaty aıqyn adamdarǵa arnalǵany sózsiz. Sońǵy jyldarda elimizde bul salanyń qarqyndy damyp kele jatqany qýantady. Búgingi saıysqa qatysyp jatqan jas sportshylarymyz aldaǵy ýaqytta halyqaralyq jarystarda el namysyn abyroımen qorǵaıdy dep senemin», – dedi Máýlen Áshimbaev.
Sonymen qatar Palata Tóraǵasy Senat bul baǵyttaǵy sportshylarǵa jan-jaqty, onyń ishinde zańnamalyq deńgeıde de qoldaý kórsetýdi jalǵastyra beretinin aıtty. Osy rette Qazaqstan bochcha federaııasynyń kezekten tys konferenııasynda Senat Tóraǵasy Máýlen Áshimbaev atalǵan Federaııanyń prezıdenti bolyp saılanǵanyn atap ótken jón.
Bul týrnırdiń taǵy bir ereksheligi retinde oǵan L.N.Gýmılev atyndaǵy EUÝ-diń kózi nashar kóretin stýdentteriniń de qatysýyn aıtýǵa bolady. Uıymdastyrýshylar atap ótkendeı, mundaı saıystar múgedektigi bar balalardyń ortaǵa beıimdelýine jáne ózgelermen qarym-qatynas jasaý qabiletin jetildirýge yqpal etedi.
Búgingi jarysqa 50-den astam sportshy qatysty. Baq synaǵandardyń qatarynda DP, kózi kórmeý, Daýn sındromy, aýtızm, ıntellektiń buzylýy, psıhıkalyq damýdyń baıaýlyǵy jáne basqa da dertke shaldyqqan balalar men eresek azamattar bar. Olardyń basym bóligi «Teń múmkindikter álemi» qoǵamdyq qorynyń beıimdeý sport úıirmelerine qatysýshylar. Mundaı úıirmeler «Salamatty Qazaqstan» áleýmettik jobasy aıasynda elimiz boıynsha ashylǵan bolatyn.
Anyqtama: Bochcha – doppen oınaıtyn saıys túri. Oǵan tirek-qımyl apparaty buzylǵan adamdar qatysady. Bul sport túri 1984 jyly Paralımpıadalyq oıyndardyń baǵdarlamasyna qosylǵan. Qazaqstanda 2018 jyldan beri qolǵa alynyp, múgedektigi bar azamattar, onyń ishinde balalar men jastar arasynda keńinen damyp keledi.
Qurmetpen, Baspasóz qyzmeti
8 (7172) 74-72-27
Sýretti túsirgen: N.Baıbýlın
"Adyrna" ulttyq portaly
