«AMANAT» پارتياسىنىڭ رەسپۋبليكالىق سايلاۋالدى شتابى مۇشەلەرىنىڭ وڭىرلەردەگى سايلاۋشىلارمەن كەزدەسۋلەرى جالعاسىپ جاتىر. بۇگىن پارتيالىقتار شىعىس قازاقستان وبلىسىنا كەلدى.
زايسان قالاسىندا شتاب مۇشەلەرى اۋداندىق كوپسالالى اۋرۋحانا ۇجىمىمەن كەزدەسىپ، پارتيانىڭ «حالىقپەن بىرگە!» سايلاۋالدى باعدارلاماسىنداعى دەنساۋلىق ساقتاۋ سالاسىن دامىتۋ شارالارىن تالقىلادى.
«AMANAT» توراعاسى ەرلان قوشانوۆ پارتيا وسى سالاعا، اسىرەسە، اۋىلدىق جەرلەردە ەرەكشە نازار اۋداراتىنىن اتاپ ءوتتى.
«ءبىز ساپالى مەديتسينا بارشاعا، ونىڭ ىشىندە شالعاي اۋدانداردىڭ تۇرعىندارىنا قولجەتىمدى بولۋىن قامتاماسىز ەتەمىز. تيىسىنشە، مەديتسينا قىزمەتكەرلەرىنىڭ ەڭبەگى لايىقتى باعالانىپ، ولاردىڭ ساپالى جۇمىس ىستەۋى ءۇشىن بارلىق جاعداي جاسالۋى كەرەك»، - دەدى ەرلان قوشانوۆ.
مىندەتتى مەديتسينالىق ساقتاندىرۋ جۇيەسى مەديتسينالىق ساقتاندىرۋ قورىنىڭ جۇمىسى سياقتى جەتىلدىرىلەدى. دارىگەرلەر كاسىبي قاۋىپتەن قورعالادى، تار شەڭبەرلى ماماندىقتاعى مەديتسينا قىزمەتكەرلەرىن، ونىڭ ىشىندە بالالار دارىگەرلەرىن دايارلاۋعا ارنالعان گرانتتار سانى ارتادى. بارلىق مەديتسينالىق جوعارى وقۋ ورنىنىڭ دەربەس كلينيكالارى بولادى.
پارتيا ينسۋلت جانە كورونارلىق كومەك بەرۋ ورتالىقتارىنىڭ جەلىسىن كەڭەيتەدى. سونداي-اق، بارلىق دەنساۋلىق ساقتاۋ ۇيىمىنداعى زاماناۋي جابدىقتاردىڭ ۇلەسىن 70%-عا جەتكىزۋدى كوزدەپ وتىر.
«تاعى ءبىر باسىمدىق – اۋىل مەديتسيناسى. الداعى 5 جىلدا پارتيا اۋىلداعى سانيتاريالىق اۆتوكولىكتەردى جابدىقتاۋدى قولعا الادى. اۋىلداعى جاس مامانعا كوتەرمە جاردەماقىنى 10 ميلليون تەڭگەگە دەيىن ارتتىرۋدى قامتاماسىز ەتەمىز. بۇل اۋىلداعى كادر تاپشىلىعى ماسەلەسىن شەشۋگە مۇمكىندىك بەرەدى»، - دەدى پارتيا توراعاسى.
وسى كۇنى اماناتتىقتار زايسان جانە تارباعاتاي اۋداندارىنىڭ جۇرتشىلىعىمەن كەزدەستى. جۇزدەسۋدە شەكارالاس ەلدى مەكەندەردەگى كولىك، ينجەنەرلىك جانە الەۋمەتتىك ينفراقۇرىلىمدى دامىتۋعا باسا نازار اۋدارىلدى.
«AMANAT» پارتياسىنىڭ سايلاۋالدى باعدارلاماسى قازاقستاندىق بايلانىس سپۋتنيكتەرىنىڭ كومەگىمەن ەلدەگى 500 شەكارالاس، شالعاي جانە جەتۋ قيىن اۋىلدى ينتەرنەتپەن قامتاماسىز ەتۋدى كوزدەيدى.
پارتيا وبلىستىق جانە اۋداندىق ماڭىزى بار اۆتوجولداردى سالۋ جانە رەكونسترۋكتسيالاۋ جۇمىسىن قولعا الادى. قالا مەن اۋىل حالقىن 100% سۋمەن قامتۋ ءۇشىن پارتيا جاڭا سۋ قويمالارىن سالۋدى جانە جۇمىس ىستەپ تۇرعاندارىن جاڭعىرتۋدى جوسپارلاپ وتىر.
دايىنداعان: "AMANAT" پارتياسىنىڭ ءباسپاسوز قىزمەتى
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى
