«AMANAT» partııasynyń Respýblıkalyq saılaýaldy shtaby músheleriniń óńirlerdegi saılaýshylarmen kezdesýleri jalǵasyp jatyr. Búgin partııalyqtar Shyǵys Qazaqstan oblysyna keldi.
Zaısan qalasynda shtab músheleri aýdandyq kópsalaly aýrýhana ujymymen kezdesip, partııanyń «Halyqpen birge!» saılaýaldy baǵdarlamasyndaǵy densaýlyq saqtaý salasyn damytý sharalaryn talqylady.
«AMANAT» Tóraǵasy Erlan Qoshanov partııa osy salaǵa, ásirese, aýyldyq jerlerde erekshe nazar aýdaratynyn atap ótti.
«Biz sapaly medıına barshaǵa, onyń ishinde shalǵaı aýdandardyń turǵyndaryna qoljetimdi bolýyn qamtamasyz etemiz. Tıisinshe, medıına qyzmetkerleriniń eńbegi laıyqty baǵalanyp, olardyń sapaly jumys isteýi úshin barlyq jaǵdaı jasalýy kerek», - dedi Erlan Qoshanov.
Mindetti medıınalyq saqtandyrý júıesi Medıınalyq saqtandyrý qorynyń jumysy sııaqty jetildiriledi. Dárigerler kásibı qaýipten qorǵalady, tar sheńberli mamandyqtaǵy medıına qyzmetkerlerin, onyń ishinde balalar dárigerlerin daıarlaýǵa arnalǵan granttar sany artady. Barlyq medıınalyq joǵary oqý ornynyń derbes klınıkalary bolady.
Partııa ınsýlt jáne koronarlyq kómek berý ortalyqtarynyń jelisin keńeıtedi. Sondaı-aq, barlyq densaýlyq saqtaý uıymyndaǵy zamanaýı jabdyqtardyń úlesin 70%-ǵa jetkizýdi kózdep otyr.
«Taǵy bir basymdyq – aýyl medıınasy. Aldaǵy 5 jylda partııa aýyldaǵy sanıtarııalyq avtokólikterdi jabdyqtaýdy qolǵa alady. Aýyldaǵy jas mamanǵa kóterme járdemaqyny 10 mıllıon teńgege deıin arttyrýdy qamtamasyz etemiz. Bul aýyldaǵy kadr tapshylyǵy máselesin sheshýge múmkindik beredi», - dedi partııa Tóraǵasy.
Osy kúni amanattyqtar Zaısan jáne Tarbaǵataı aýdandarynyń jurtshylyǵymen kezdesti. Júzdesýde shekaralas eldi mekenderdegi kólik, ınjenerlik jáne áleýmettik ınfraqurylymdy damytýǵa basa nazar aýdaryldy.
«AMANAT» partııasynyń saılaýaldy baǵdarlamasy qazaqstandyq baılanys spýtnıkteriniń kómegimen eldegi 500 shekaralas, shalǵaı jáne jetý qıyn aýyldy ınternetpen qamtamasyz etýdi kózdeıdi.
Partııa oblystyq jáne aýdandyq mańyzy bar avtojoldardy salý jáne rekonstrýkııalaý jumysyn qolǵa alady. Qala men aýyl halqyn 100% sýmen qamtý úshin partııa jańa sý qoımalaryn salýdy jáne jumys istep turǵandaryn jańǵyrtýdy josparlap otyr.
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi
