قر ادىلەت مينيسترلىگى اپپاراتىنىڭ جاڭا باسشىسى تاعايىندالدى

2404
Adyrna.kz Telegram

قر ادىلەت مينيسترلىگى اپپاراتىنىڭ جاڭا باسشىسى تاعايىندالدى. بۇل تۋرالى ۇكىمەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.

«قر ادىلەت ءمينيسترىنىڭ بۇيرىعىمەن ساندۋعاش ابدىرازاققىزى ەرسەيىتوۆا قازاقستان رەسپۋبليكاسى ادىلەت مينيسترلىگى اپپاراتىنىڭ باسشىسى قىزمەتىنە تاعايىندالدى.

بۇرىن وسى قىزمەتتە بولعان باقىت شالحارۇلى ابىشەۆ بەرگەن وتىنىشىنە سايكەس جۇمىستان بوساتىلدى»—دەلىنگەن حابارلامادا.

ساندۋعاش ەرسەيىتوۆا 1977 جىلى اقمولا وبلىسىندا دۇنيەگە كەلگەن.

ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن، مەملەكەتتىك باسقارۋ اكادەمياسىن بىتىرگەن.

ەڭبەك جولىن 1994 جىلى قورعالجىن اۋدانى اۋىل شارۋاشىلىعى باسقارماسىنىڭ حاتشى-ءماشينيستى بولىپ باستاعان.

1999 ج. استانا قالاسى ادىلەت باسقارماسى الماتى اۋداندىق سوتىنىڭ سوت ورىنداۋشىسى، استانا ق.

1999-2001 جج. – قر ادىلەت مينيسترلىگى سوت قاۋلىلارىن ورىنداۋ كوميتەتى دەپارتامەنتىنىڭ سوت ورىنداۋشىسى.

2001-2002 جج. – استانا قالاسى سوتتار اكىمشىسى سوت ورىنداۋشىسىنىڭ م.ا.، سوت ورىنداۋشىسى.

2002-2007 جج. – قر ادىلەت مينيسترلىگى زاڭعا تاۋەلدى اكتىلەر دەپارتامەنتى ءبولىمىنىڭ باس مامانى; باستىعى.

2007-2008 جج. قر ادىلەت مينيسترلىگى زاڭناما دەپارتامەنتى ازاماتتىق، الەۋمەتتىك-ەكونوميكالىق جانە قارجى زاڭناماسى باسقارماسىنىڭ باستىعى بولىپ جۇمىس ىستەدى.

2008-2016 جج. – قر ادىلەت مينيسترلىگى زاڭعا تاۋەلدى اكتىلەر دەپارتامەنتى ديرەكتورىنىڭ ورىنباسارى.

2016 جىلعى قىركۇيەكتەن باستاپ قازىرگى ۋاقىتقا دەيىن قر ادىلەت مينيسترلىگى زاڭعا تاۋەلدى اكتىلەر دەپارتامەنتىنىڭ ديرەكتورى بولدى.

پىكىرلەر