«جاۋ جۇرەك مىڭ بالا» فيلمىنەن كورەرمەن كوزايىمىنا اينالعان اكتەر اسىلحان تولەپوۆتىڭ ەكىنشى ايەل العانى جايلى اقپارات تارادى، دەپ حابارلايدى «ادىرنا» ءتىلشىسى KYN.KZ-كە سىلتەمە جاساپ.
الەۋمەتتىك جەلىدە كوپتىڭ تالقىسىنا تۇسكەن اقپاراتتى راستايتىن سۋرەت تە بار. ونى اكتەردىڭ اعاسى ارتۋر تولەپوۆ ءوزىنىڭ پاراقشاسىندا جاريالادى. ول سۋرەتتەن ونەر يەسىنىڭ ءىنجۋ ەسىمدى قىزبەن وتاۋ قۇرىپ جاتقان كەشىنە شاقىرۋ بيلەتىن انىق كورۋگە بولادى.
اكتەردىڭ اعاسى ارتۋردىڭ سوزىنە سەنسەك، تۋعان ءىنىسى ەشكىمدى، ءتىپتى ءوز وتباسىن دا تويعا شاقىرماي، جاسىرىن تۇردە ەكىنشى رەت ۇيلەنىپ العان.
«باسە، ۇيدە كورىنبەيسىڭ. شاقىرساڭ بولاتىن ەدى عوي. باقىتتى بول»، — دەيدى ارتۋر تولەپوۆ.
ەسكە سالا كەتەيىك، اسىلحان تولەپوۆ 2017 جىلعى قاراشادا سۇيىكتىسى ايسۇلۋ وتباسى قۇرىپ، الماتىنىڭ تورىندە دۇركىرەتىپ توي جاسادى. قازىر الپامىس ەسىمدى ۇلى بار.
