الماتىدا 2019 جىلدىڭ كوكتەمگى مەرزىمدى اسكەري قىزمەتكە شاقىرۋعا جاتاتىن ازاماتتاردى زەردەلەۋ جۇمىستارى باستالدى. قازىرگى ۋاقىتتا اسكەرگە شاقىرۋ ۋچاسكەسىنە ازاماتتاردى تىركەۋ بارىسىندا 2002 جىلى تۋعان ازاماتتار اسكەري ەسەپكە قابىلدانىپ جاتىر. مەرزىمدى اسكەري قىزمەتكە دايىندىق جانە شاقىرۋ ۇزدىكسىز جۇرگىزىلۋدە. اسكەري تىركەلۋ ساتىنەن باستاپ جانە اسكەرگە دەيىنگى ۋاقىتتا مەرزىمدى اسكەرگە شاقىرۋعا جاتاتىن ازاماتتاردى جۇيەلى تۇردە زەردەلەۋ جۇمىستپرى جۇرگىزىلەدى. زەردەلەۋ ءۇشىن ءتيىستى جۇمىستار قر ۇلتتىق قاۋىپسىزدىك كوميتەتى مەن قر ىشكى ىستەر، دەنساۋلىق ساقتاۋ جانە حالىقتى الەۋمەتتىك قورعاۋ ورگاندارى وكىلدەرىمەن بىرگە جۇرگىزىلەدى. ەكىنشى كەزەڭ – ءىس جۇزىندە اتقارىلادى. سونىمەن قاتار، اسكەرگە شاقىرىلۋشىنىڭ تۋبەركۋلەزگە قارسى، تەرى-اۋرۋلار جانە ناركولوگيالىق، پسيحياتريالىق ديسپانسەرلەردىڭ ەسەبىندە تۇرمايتىندىعى ەرەكشە ەسكەرىلەدى. "ناقتى قاعيدا بويىنشا كوكتەمشى اسكەرگە شاقىرۋ باستالار الدىندا مورالدىق-پسيحولوگيالىق جاعدايى جانە دايىندىعى جاقسى بالالار ىرىتەلىنىپ الىنادى", دەدى الماتى قالاسى قورعانىس ىستەرى جونىندەگى دەپارتامەنتىنىڭ باستىعى پولكوۆنيك ا.ۋسەرباەۆ. جىلىنا الماتى قالاسى جەرگىلىكتى اسكەري باسقارۋ ورگاندارىمەن 5000 ازاماتتىڭ ماتەريالدارى زەردەلەنەدى. وسى جىلى الماتى قالاسى بويىنشا 2000-عا جۋىق ازاماتتار اسكەرگە ششاقىرۋعا جاتاتىنىن ايتا كەتكەن ءجون.
الماتى قالاسى قورعانىس ىستەرى جونىندەگى دەپارتامەنتىنىڭ ءباسپاسوز قىزمەتى
