تاۋەلسىز جۋرناليست دانيار مولدابەكوۆكە شابۋىل جاسالدى. بۇل تۋرالى ءجۋرناليستىڭ ءوزى Telegram كانالىندا جازدى، دەپ حابارلايدى “ادىرنا” ۇلتتىق پورتالى.
ءجۋرناليستى 22 اقپان ساعات 9:40 شاماسىندا پودەزدە بەتپەردە تاققان بەلگىسىز بىرەۋ «تىنىش ءجۇر» دەپ ۇرىپ كەتكەن.
وسىعان دەيىن، ءىىم استانا مەن الماتىدا جۋرناليستەر مەن بلوگەرلەرگە شابۋىل جاساعان 18 ادام ۇستالعانىن حابارلاعان.
2022 جىلدىڭ قىركۇيەگىنەن بەرى الماتى مەن استانادا التى جۋرناليست پەن بلوگەرگە قارسى زاڭسىز ارەكەتتەر انىقتالعان. قازىر سول ءۇشىن 18 ادام ۇستىنەن 20 قىلمىستىق ءىس قوزعالدى.
قىلمىستاردى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلدى. ىستەر بويىنشا ايعاق قورىن تولىقتىرۋ جۇمىستارى جۇرگىزىلىپ جاتىر.
ەسكە سالا كەتەيىك، دينارا ەگەۋباەۆا، ۆاديم بورەيكو، سامال يبراەۆا سياقتى تاۋەلسىز جۋرناليستەرگە شابۋىل جاسالعان ەدى.
