ەلوردادا ەلىمىزدىڭ تۇكپىر-تۇكپىرىنەن كەلگەن 800-دەن استام قاتىسۋشىنىڭ باسىن قوسقان «AMANAT» پارتياسىنىڭ ايەلدەر فورۋمى ءوتتى. جيىنعا بەلگىلى ساياسي جانە قوعام قايراتكەرلەرى، كوپبالالى انالار، كاسىپكەرلىك، ءبىلىم بەرۋ سياقتى جانە باسقا دا سالالاردىڭ وكىلدەرى قاتىستى.
ءىس-شارا بارىسىندا قازىرگى قوعامداعى ايەلدەردىڭ ءرولى، سونداي-اق ولاردىڭ ءوز قابىلەت-قارىمىن جۇزەگە اسىرۋىن جانە ەلدىڭ ساياسي ومىرىنە ارالاسۋىن قامتاماسىز ەتۋگە باعىتتالعان «AMANAT» پارتياسىنىڭ باستامالارى تالقىلاندى.
پارتيانىڭ رەسپۋبليكالىق سايلاۋالدى شتابىنىڭ باسشىسى ەرلان قوشانوۆ ايەلدەردىڭ مەملەكەتتىك باسقارۋ ىسىنە جانە قوعامدىق ومىرگە ارالاسۋىن كەڭەيتۋ قاجەت ەكەنىن اتاپ ءوتتى.
«حالقىمىز اۋەل باستان انالارىمىزعا، جارى مەن قارىنداس-قىزدارىنا زور قۇرمەتپەن، سىيلاستىقپەن قاراعان. سوندىقتان وتباسىنىڭ عانا ەمەس، وتانىمىزدىڭ تاريحىنداعى ايەلدەردىڭ ءرولى قاشاندا ەرەكشە. پارتياعا دا وزدەرىڭىزدەي كۇش-قۋاتى مول جاندار قاجەت ەكەنى انىق. ءبىز ءاربىر ايەلدىڭ ەڭبەگى مەن ارمانىنا قۇرمەتپەن قارايمىز، سىزدەردىڭ باستامالارىڭىزدى قولداۋعا ءازىرمىز. ءبىز ورتاق ماقساتتارىمىزعا وزدەرىڭىزبەن يىق تىرەسە بىرگە قادام جاساۋعا دايىنبىز»، - دەپ اتاپ ءوتتى «AMANAT» پارتياسىنىڭ توراعاسى.
سونىمەن قاتار، ەرلان قوشانوۆ فورۋمعا قاتىسۋشىلاردىڭ پارتيادا ايەلدەر قاناتىن قۇرۋ تۋرالى ۇسىنىسىن قولداپ، ورتالىق اپپاراتتىڭ باسشىلىق قۇرامىن ايەل اداممەن تولىقتىرۋدى تاپسىردى.
«AMANAT» مۇشەلەرىنىڭ 60%-دان استامى – ايەلدەر. سايلاۋداعى پارتيالىق ءتىزىمنىڭ ۇشتەن ءبىرىن دە ءبىزدىڭ ارۋلارىمىز قۇرايدى. سوندىقتان ينكليۋزيۆتى مادەنيەت، گەندەرلىك ساياسات ماسەلەسى ارقاشان پارتيامىزدىڭ باستى نازارىندا», - دەدى ول.
ەرلان قوشانوۆ وڭىرلىك ايەلدەر فورۋمدارىنىڭ قورىتىندىسى بويىنشا كوپ ۇسىنىس تۇسكەنىن اتاپ ءوتتى. ولاردىڭ بارلىعى «حالىقپەن بىرگە!» سايلاۋالدى باعدارلاماسىنا ەندى.
ماجىلىستەگى «AMANAT» پارتياسىنىڭ فراكتسياسى جەڭىسكە جەتكەن جاعدايىندا، ءبىرىنشى كەزەكتە بالاعا مەرزىمسىز مۇگەدەكتىك بەرىلەتىن اۋرۋلاردىڭ تىزبەسىن كەڭەيتۋ ماسەلەسىن قاراۋدى قولعا الادى.
جالپى، پارتيا جاقسى جالاقى مەن جوعارى لاۋازىم ادامنىڭ جىنىسىنا ەمەس، داعدىسىنا قاراي بەرىلەتىن مادەنيەت قالىپتاستىرۋعا نيەتتى. پارتيا تۇرمىستىق زورلىق-زومبىلىققا قاتىستى جازانى قاتاڭداتۋدى جاقتايدى جانە كوپبالالى انالار مەن ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردى قولداۋ شارالارىن كۇشەيتەدى.
وسى كۇنى شتاب مۇشەلەرى «استانا-تازالىق» ەڭبەك ۇجىمىمەن كەزدەستى. كاسىپورىن قالانىڭ سانيتارلىق تازالىعىمەن، اۋماقتاردى اباتتاندىرۋمەن جانە تازالاۋمەن اينالىسادى.
پارتيالىقتار كاسىپورىن قىزمەتكەرلەرىمەن بىرگە سايلاۋالدى باعدارلامادا كورىنىس تاپقان جۇمىسشىلاردىڭ قۇقىقتارى مەن دەنساۋلىعىن قورعاۋ شارالارىن تالقىلادى.
«AMANAT» جۇمىس بەرۋشىلەردىڭ جاۋاپكەرشىلىگىن كۇشەيتۋ، جالاقىنى ارتتىرۋ جانە تەحنيكالىق پەرسونال مەن بيۋدجەتتىك ۇيىمدارداعى بىلىكتى قىزمەتشىلەردىڭ تابىس ايىرماشىلىعىن قىسقارتۋ سياقتى باسقا دا ماڭىزدى ماسەلەلەردىڭ شەشىلۋىن نازاردا ۇستايدى.
دايىنداعان: "AMANAT" پارتياسىنىڭ ءباسپاسوز قىزمەتى
تاپسىرىس بەرۋشى: م.ج. وسپانوۆ
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى.
"ادىرنا" ۇلتتىق پورتالى
