قازاقستاندىق قوعامدىق دامۋ ينستيتۋتى جانىنان MediaLab جۋرناليستيكا ورتالىعى اشىلدى

2516
Adyrna.kz Telegram

بۇگىن قر اقپارات جانە قوعامدىق دامۋ ءمينيسترى دارحان قىدىرالى قر جوعارى ءبىلىم جانە عىلىم ءمينيسترى ساياسات نۇربەكپەن بىرگە MediaLab جۋرناليستيكا ورتالىعىنىڭ اشىلۋىنا قاتىستى.

اقپارات جانە قوعامدىق دامۋ مينيسترلىگىنە قاراستى قازاقستاندىق قوعامدىق دامۋ ينستيتۋتىندا ورنالاسقان ورتالىقتا مەديا مامانداردىڭ بىلىكتىلىگىن ارتتىرۋعا قاجەتتى جاعداي جاسالعان.

"ەستەرىڭىزدە بولسا، Astana MediaWeek فورۋمدا ءبىز مەديا يندۋستريانى زەرتتەۋمەن، جۋرناليستيكا جانە كوممۋنيكاتسيا سالاسىنداعى مامانداردىڭ بىلىكتىلىگىن ارتتىرۋمەن جۇيەلى تۇردە اينالىساتىن ورتالىق اشامىز دەگەن ەدىك. ەندى، مىنە سونىڭ ورايى بۇگىن كەلىپ وتىر.

"MediaLab" ورتالىعى مەديا تۇتىنۋ پاتتەرندەرىن عىلىمي تۇرعىدا زەرتتەۋدى، جۋرناليستەردىڭ، اسىرەسە ايماقتاعى جۋرناليستەردىڭ بىلىكتىلىگىن ارتتىرۋدى، سالالىق جۋرناليستيكانى جەتىلدىرۋدى، ءباسپاسوز حاتشىلارىنىڭ كاسىبي داعدىلارىن دامىتۋدى كوزدەيدى",— دەپ اتاپ ءوتتى دارحان قىدىرالى.

ورتالىقتا جۋرناليستيكا ماماندىعى بويىنشا وقىپ جاتقان ستۋدەنتتەرگە دە ادىستەمەلىك قولداۋ جاسالادى.

ء"بىز الەمدەگى جۋرناليستيكا مەكتەپتەرىنىڭ وزىق دەگەن وقۋ باعدارلامالارىن “اشىق سيللابۋس” جوباسى اياسىندا قازاقستانعا اكەلىپ، ۇزدىك كىتاپتار مەن وقۋلىقتاردى قازاق تىلىنە اۋدارۋدى جوسپارلاپ وتىرمىز", - دەدى د. قىدىرالى.

قورىتىندىدا مينيسترلەر ءبىلىم جانە عىلىم سالاسىندا بىرلەسكەن جوبالاردى جۇزەگە اسىرۋعا ۋاعدالاستى.

پىكىرلەر