2023 جىلى 15 اقپان ساعات 19.00-دە قۇرمانعازى وركەسترىنىڭ عيماراتىندا ۇلتتىق وركەستردىڭ ۇيىمداستىرۋىمەن جىل سايىن ءداستۇرلى تۇردە وتەتىن «ADAGIO» كلاسسيكالىق مۋزىكا كەشى ءوتتى. كەشتە الەمدىك جانە وتاندىق تانىمال كومپوزيتورلاردىڭ كلاسسيكالىق تۋىندىلارى ورىندالدى.
سونداي-اق، وركەستردىڭ قىزىققا تولى كەزەكتى كونتسەرتىندە جەكە ورىنداۋشىلار نۇرعالىم امانباي، يگور بلاگودارنىي، قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتتىك ارالاس حورى جانە ديريجەرلار يان رۋدكوۆسكي، قانات احمەتوۆ، ابىلاي تىلەپبەرگەن ونەر كورسەتتى.
كونتسەرت بارىسىندا، الەمدىك حيت تۋىندىلاردىڭ كوشىن باستاعان جورج بيزەنىڭ «كارمەن» وپەراسىنا ۋۆەرتيۋراسى، دجوردج فريدەريك گەندەلدىڭ 1727 جىلى انگليا كورولى دجوردج II-ءنىڭ تاققا وتىرۋىنا وراي جازعان ءانۇرانى «Zadok the Priest»، دجاكومو ءپۋچچينيدىڭ تۋراندوت وپەراسىنان «Nessun dorma» ارياسى قۇرمانعازى اتىنداعى قازاق ۇلتتىق حالىق اسپاپتار وركەسترىنىڭ سۇيەمەلدەۋىمەن ورىندالدى.
مۋزىكا – جۇرەك ءتىلى، سەزىمدەر مەن كوڭىل-كۇي الەمى. ول دىبىستار ارقىلى بەينەلەنگەن جان سارايى. ءيا، ويتكەنى، كلاسسيكالىق مۋزىكا – ادامزاتتىڭ تاڭعاجايىپ تۋىندىسى. ويتكەنى مۋزىكانىڭ ءوز ءتىلى جانە تەرەڭ ماعىناسى بار. مۋزىكا سويلەيتىن جەردە ءسوزدىڭ كۇشى، قۇدىرەت-قۋاتى جەتپەيدى.
