تۇركيادا قازا تاپقان جانار جاقسىبەكوۆانىڭ ءمايىتى تالدىقورعانعا جەتكىزىلدى. بۇل تۋرالى قر سىرتقى ىستەر مينيسترلىگى حابارلادى، دەپ جازادى “ادىرنا” ۇلتتىق پورتالى
“10 اقپاندا تۇركيانىڭ وڭتۇستىك-شىعىسىنداعى كاحرامانماراش قالاسىندا قۇتقارۋ-ىزدەستىرۋ جۇمىستارى بارىسىندا ايەلدىڭ دەنەسى تابىلدى. الماتىدان كەلگەن تۋىستارى ونى قر ازاماتى جانار جاقسىبەكوۆا دەپ تانىدى. قازاقستاندىق ديپلوماتتار قازا تاپقان وتانداسىمىزدىڭ دەنەسىن كاحرامانماراشتان انتالياعا جانە ودان ءارى الماتىعا جەتكىزۋگە، سونداي-اق قاجەتتى قۇجاتتاردى رەسىمدەۋگە بارىنشا جاردەم كورسەتتى. بۇگىن ءمايىت تالدىقورعان قالاسىنا جەتكىزىلدى”،- دەلىنگەن رەسمي حابارلامادا.
تاسىمالداۋ بويىنشا بارلىق شىعىنداردى مەملەكەت ءوز موينىنا الدى. سونىمەن قاتار، Pegasus تۇرىك اۆياكومپانياسىمەن قازا تاپقان قر ازاماتىنىڭ بىرگە كەلگەن تۋىستارىنا 90 پايىزدىق جەڭىلدىك بەرۋ تۋرالى ۋاعدالاستىققا قول جەتكىزىلدى.
“ادىرنا” ۇلتتىق پورتالى
