Túrkııada qaza tapqan Janar Jaqsybekovanyń máıiti Taldyqorǵanǵa jetkizildi. Bul týraly QR Syrtqy ister mınıstrligi habarlady, dep jazady “Adyrna” ulttyq portaly
“10 aqpanda Túrkııanyń ońtústik-shyǵysyndaǵy Kahramanmarash qalasynda qutqarý-izdestirý jumystary barysynda áıeldiń denesi tabyldy. Almatydan kelgen týystary ony QR azamaty Janar Jaqsybekova dep tanydy. Qazaqstandyq dıplomattar qaza tapqan otandasymyzdyń denesin Kahramanmarashtan Antalııaǵa jáne odan ári Almatyǵa jetkizýge, sondaı-aq qajetti qujattardy resimdeýge barynsha járdem kórsetti. Búgin máıit Taldyqorǵan qalasyna jetkizildi”,- delingen resmı habarlamada.
Tasymaldaý boıynsha barlyq shyǵyndardy memleket óz moınyna aldy. Sonymen qatar, Pegasus túrik avıakompanııasymen qaza tapqan QR azamatynyń birge kelgen týystaryna 90 paıyzdyq jeńildik berý týraly ýaǵdalastyqqa qol jetkizildi.
“Adyrna” ulttyq portaly
