بۇگىن استانادا وتكەن بريفينگتە ءتۇرلى قوعامدىق ۇيىمداردىڭ وكىلدەرى «داۋىس» قوعامدىق بايقاۋشىلار كواليتسياسىنا بىرىگۋ تۋرالى مالىمدەدى.
كواليتسيا سايلاۋ راسىمدەرىن قوعامدىق باقىلاۋ سالاسىنداعى جۇمىستىڭ اشىقتىق جانە دەموكراتيالىق قاعيدالارىنا نەگىزدەلگەن جاڭا فورماتسياداعى ينستيتۋتتى بىلدىرەدى.
كواليتسيا قۇرامىنا ءار وڭىردەن بايقاۋشىلار، زاڭدى كونسالتينگ، مەديا مەنەدجمەنت جانە كاسىبي كويچينگ جۇمىستارىن جۇزەگە اسىرۋ سالاسىندا ۇلكەن تاجىريبەگە يە 160-تان استام ۇيىم كىردى.
كواليتسيا جۇمىسىن ۇيىمداستىرۋ جەكە دارا ەمەس، ۇجىمدىق جانە تەڭ قۇقىلى باسقارۋ قاعيداسى بويىنشا جۇزەگە اسىرىلاتىنى ۇلكەن ماڭىزعا يە.
ءىس-شارا بارىسىندا كواليتسيا ءماجىلىس جانە ءماسليحاتتار دەپۋتاتتارىنىڭ سايلاۋىنا قوعامدىق بايقاۋشىلار رەتىندە قاتىسۋ تۋرالى ءوز نيەتتەرىن مالىمدەدى.
سونداي-اق, بريفينگكە قاتىسۋشىلار كواليتسيانىڭ ءبىر رەتتىك باستاما ەمەس، جۇيەلى ۇيىم ەكەنىن، ونىڭ اياسىندا سايلاۋ راسىمدەرىن ادىستەمەلىك جانە قۇقىقتىق قامتاماسىز ەتۋ، تالدامالىق جانە اقپاراتتىق جۇمىستاردى ۇيىمداستىرۋ، سايلاۋ پروتسەستەرىنىڭ سالاسىندا ءبىلىم بازاسىن قالىپتاستىرۋ بويىنشا ءتۇرلى جوبالار جۇزەگە اسىرىلاتىنىن اتاپ ءوتتى.
كواليتسيا جۇمىسىنىڭ باستى نازارى وعان قازاقستاندىقتاردىڭ سايلاۋ مادەنيەتىن بايقاۋعا جانە قالىپتاستىرۋعا قاتىسۋعا قابىلەتتى بەلسەندى، تالاپشىل ازاماتتىق كۇشتەردى تارتۋعا اۋدارىلادى.
«داۋىس» قوعامدىق بايقاۋشىلار كواليتسياسى
