تۇركيادا ءبىلىم الىپ جاتقان قازاق ەلىنىڭ ستۋدەنتى، “بولاشاق” حالىقارالىق باعدارلاماسى ستيپەندياتى اسەم ەرەجەكقىزى تۇركيادا بولعان اپاتقا جانە "كەيبىر" قازاقتاردىڭ قىلىقتارىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
قازاق قىزىن ادامداردىڭ قيىن كەزەڭدەگى ارەكەتى ويلاندىرعان. اۆتور ءوز جازباسىندا ادامگەرشىلىك تاقىرىبىن ءسوز ەتەدى.
“بولاشاق” حالىقارالىق باعدارلاماسى ستيپەندياتى اسەم ەرەجەكقىزىنىڭ جازباسى:
- Canım Türkiyem…
سىلكىنىس تاڭعا دەيىن تولاستاعان جوق. 52 مينۋت بۇرىن عانا 500 سىلكىنىس تىركەلىپتى. تۇنىمەن كوز ىلمەي جاڭالىقتاردى اڭدىپ وتىرمىز. ستامبۋلداعى ”اپالارىمىز” بولسا دىم بولماعانداي “سى-سى-سى” دەپ تىكەلەي ەفير وتكىزىپ، وزدەرىندە جوق اقىلدى اڭقاۋ جۇرتقا ساۋدالاپ ءولىپ بارا جاتىر. اينالاسى استاڭ-كەستەڭ بولىپ جاتقاندا قالاي ۇيالمايدى ەكەن… ۇلتىمىزعا ۇيات اكەلەتىن شىرىكتەر-اي… - دەدى اسەل ەرەجەكقىزى.
اۆتوردىڭ جازباسىنا وقىرماندار پىكىر قالدىرۋدا:
"ول اپاڭدىكى— ناعىز "اتىڭ شىقپاسا — جەر ورتەنىكى". ورتا جاسقا كەلىپ قالدى، ەندى وسى ءبىر ارەكەتتەرى ءۇشىن، اتىن ءتىپتى ەستىمەسەك، ءجون بولار ەدى. باياعى العاشقى اتاق-ابىرويى بيىك ەدى-اۋ!..";"جانى اشىماستىڭ قاسىندا باسىڭ اۋىرماسىن" دەپ وسىندايلارعا ايتقان شىعار دانا حالقىم";"اسەم قىز، امان-ەسەن بول، اپايلارىڭا داۋا جوق.
وتە ءدال ايتتىڭ!";"كوۆيد-19-دا ميلليوندارىن سالىپ، تىنىس اپپاراتتارىن ەلگە جىبەرگەن كومەگىن تەز ۇمىتتىڭدار ما؟..." دەپ جازدى وقىرماندار.
"ادىرنا" ۇلتتىق پورتالى
