جامبىل وبلىسىنىڭ وڭتۇستىگىن الىپ جاتقان تۇرار رىسقۇلوۆ اۋدانىنىنڭ بىرقاتار اۋىلدارىن سۋ باستى. تۇرعىندار تابالدىرىققا كىرىپ، تولارساقتان اسقان سۋعا بوگەسىن قويىپ، جانتالاسىپ جاتىر. بۇل جايلى "ادىرنا" ۇلتتىق پورتالى جازدى.
تۇرار رىسقۇلوۆ اۋدانىنىڭ تۇرعىندارى تولارساقتان سۋ كەشتى. "جاقسىلىق", "قۇلان", "كوكدونەن" اۋىلدارىن سۋ باستى. سۋ مولشەرىنىڭ ارتۋىنا تولاسسىز جاۋعان جاۋىن سەبەپ بولعان.
ۆيدەودان تۇرعىنداردىڭ:
- مىنا جاقتا - ماسقارا. ادامدار ۇيلەرىنە سۋ كىرگىزبەۋ ءۇشىن جانتالاسىپ جاتىر، - دەگەنىن ەستۋگە بولادى.
ۆيدەودان بايقاعاندارىڭىزداي، قاجەتتى تەحنيكا كۇشى تارتىلىپ، اۋىل تۇرعىندارىنان ارنايى توپ قۇرىلعانى بايقالادى. "ادىرنا" ۇلتتىق پورتالى بەينەدەرەكتەردى جولداعان وقىرمانمەن تىلدەستى. وقىرماننىڭ ايتۋىنشا، اۋىل ادامدارى اراسىنان ءموبيلدى توپ قۇرىلىپ، قوسىمشا ارىق-توعاندار تارتىلىپ جاتىر. ۆيدەوداعى وقيعا كەشە، ءۇشىنشى قاڭتار، كۇنى بولعان.
"ادىرنا" ۇلتتىق پورتالى
