ماعجان جۇماباەۆتىڭ 130 جىلدىق مەرەيتويىنا وراي «مەن ولمەيمىن، مەنىكى دە ولمەيدى...» اتتى رەسپۋبليكالىق ءمۇشايرا وتەدى

6067
Adyrna.kz Telegram
سولتۇستىك قازاقستان وبلىسى اكىمدىگى مادەنيەت، تىلدەردى دامىتۋ جانە ارحيۆ ءىسى باسقارماسى قولداۋىمەن اقىننىڭ اقىنى، الاش قايراتكەرى ماعجان جۇماباەۆتىڭ 130 جىلدىق مەرەيتويىنا وراي «مەن ولمەيمىن، مەنىكى دە ولمەيدى...» اتتى رەسپۋبليكالىق جازبا اقىندار ءمۇشايراسى وتەتىندىگىن جاريالايدى.
ءمۇشايرانى وتكىزۋ ءتارتىبى مەن شارتتارى:
– مۇشايراعا 20 – 50 جاس ارالىعىنداعى اقىندار قاتىسادى;
– مۇشايراعا ماعجاننىڭ اقىندىق، قايراتكەرلىك تۇلعاسىن پاش ەتەتىن ءبىر ولەڭ;
– ەركىن تاقىرىپتاعى ءبىر ولەڭ، بارلىعى 2 (ەكى) ولەڭ ۇسىنىلادى;
– بۇدان بۇرىن بايقاۋعا قاتىسقان نەمەسە ءباسپاسوز بەتىندە جاريالانعان شىعارمالار قابىلدانبايدى;
– شىعارما ءماتىنى ەلەكتروندىق نۇسقادا قابىلدانادى. ءوزى تۋرالى قىسقاشا مالىمەت، بايلانىس تەلەفونى، جەكە كۋالىگىنىڭ كوشىرمەسىن قوسا تاپسىرۋى كەرەك;
– ۇمىتكەرلەردىڭ شىعارمالارى 2023 جىلعى 10 اقپانعا دەيىن ocntpk@mail.ru ەل.پوشتاسىنا قابىلدانادى;
– ءمۇشايرانىڭ قورىتىندى ءىس-شاراسىنا جۇلدەگەرلەر عانا شاقىرتىلادى. وتەتىن كۇنى قوسىمشا حابارلانادى;
–قابىلدانعان شىعارمالار قازىلار القاسىنىڭ ساراپتاۋىنان وتەدى. لايىقتى دەگەن 9 اقىنعا 300 000 مىڭ تەڭگەلىك ماعجان جۇماباەۆ اتىنداعى ادەبي سىيلىق تابىستالادى;
–جۇلدەگەر اتانعان 9 اقىننىڭ قىزىلجار قالاسىندا وقىرماندارمەن كەزدەسۋ كەشى وتەدى.
ۇيىمداستىرۋ القاسى: وبلىستىق حالىق شىعارماشىلىعى ورتالىعى،
جاۋاپتى جارقىن جۇپارحان: 8 777 760 64 64, ايدا 8 705 226 43 24
"ادىرنا" ۇلتتىق پورتالى 
پىكىرلەر