تارازدا ستۋدەنتتەردەن پارا العان جوعارى وقۋ ورنىنىڭ وقىتۋشىسى ۇستالدى، دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.
«جامبىل وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى قىزمەتكەرلەرىمەن جۇرگىزىلگەن ارنايى جەدەل-ىزدەستىرۋ شارالارى بارىسىندا قالاداعى جوعارى وقۋ ورىنىنىڭ بىرىنەن 46 جاستاعى وقىتۋشى قىزمەتتىك كابينەتىندە ستۋدەنتتەن 200 مىڭ تەڭگە كولەمىندە قارجى الۋ كەزىندە ۇستالدى. پوليتسيا قىزمەتكەرلەرى اعا وقىتۋشىنىڭ بۇعان دەيىن 4-كۋرس ستۋدەنتتەرىنەن ءۇش ايلىق تاجىريبەلىك ساباقتاردان جانە ەمتيحاننان وتكىزىپ بەرەمىن دەپ ارقايسىسىنان 50 مىڭ تەڭگە كولەمىندە اقشا تالاپ ەتكەندىگىن انىقتادى. ۇستالعان ەر ادام كىناسىن تولىق مويىندادى. وعان قاتىستى قولحاتپەن بوساتۋ تۋرالى بۇلتارتپاۋ شاراسى قولدانىلدى»،—دەلىنگەن حابارلامادا.
اتالعان دەرەككە قاتىستى قر قك-ءنىڭ 190-بابى 3-بولىگى 3-تارماعىمەن (ەكى نەمەسە ودان دا كوپ ادامعا قاتىستى جاسالعان الاياقتىق) سوتقا دەيىنگى تەرگەۋ امالدارى باستالدى. باپقا سايكەس، وسىنداي قىلمىس جاساعانى ءۇشىن مۇلكi تاركiلەنىپ، ءۇش جىلدان جەتى جىلعا دەيىنگى مەرزiمگە باس بوستاندىعىن شەكتەۋگە نە سول مەرزiمگە باس بوستاندىعىنان ايىرۋ، بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، جىمقىرىلعان مۇلىكتىڭ ون ەسەلەنگەننەن جيىرما ەسەلەنگەنگە دەيىنگى مولشەرىندە ايىپپۇل سالۋ، نە ءۇش جىلدان جەتى جىلعا دەيىنگى مەرزiمگە باس بوستاندىعىنان ايىرۋ جازاسى كوزدەلگەن.
<
