قر پارلامەنتى سەناتىنىڭ توراعاسى لاۋازىمىنا قايتا سايلانعان ماۋلەن اشىمباەۆ ارىپتەستەرىنە وزىنە سەنىم بىلدىرگەنى ءۇشىن العىس ءبىلدىردى. بۇل تۋرالى قازاقپارات حابارلادى، دەپ جازادى "ادىرنا" ۇلتتىق پورتالى.
«بۇگىنگى پالاتا وتىرىسىنا پرەزيدەنتىمىز قاسىم-جومارت كەمەلۇلى توقاەۆ ارنايى كەلىپ قاتىستى. كونستيتۋتسياعا سايكەس، پرەزيدەنتىمىز سەنات توراعاسى قىزمەتىنە كانديداتۋرانى ۇسىنىپ، ماعان زور سەنىم ءبىلدىردى. بۇل - مەن ءۇشىن ۇلكەن جاۋاپكەرشىلىك. سىزدەر مەملەكەت باسشىسىنىڭ ۇسىنىسىن قولداپ، داۋىس بەردىڭىزدەر. سول ءۇشىن وزدەرىڭىزگە العىسىمدى بىلدىرە وتىرىپ، پرەزيدەنتىمىزدىڭ جانە حالىقتىڭ سەنىمىن اقتاۋ ءۇشىن بار كۇش-جىگەرىمدى جۇمسايمىن دەپ سەندىرگىم كەلەدى»، - دەدى ماۋلەن اشىمباەۆ.
سەنات توراعاسى پرەزيدەنت پارلامەنتتىڭ الدىنا جاڭا مىندەتتەر قويعانىن ەسكە سالدى.
«جاڭا مەملەكەت باسشىسى پارلامەنتتىڭ الدىندا تۇرعان باستى مىندەتتەردى بەلگىلەپ بەردى. پرەزيدەنتىمىز وسىعان بايلانىستى ءبىزدىڭ الدىمىزعا ناقتى ماقساتتار قويىپ وتىر. شىن مانىندە اتقاراتىن جۇمىس از ەمەس. اسىرەسە ەلىمىزدە جۇرگىزىلىپ جاتقان رەفورمالاردى زاڭنامالىق تۇرعىدان ۋاقتىلى قامتاماسىز ەتۋ اسا ماڭىزدى. سوندىقتان مەملەكەت باسشىسى جۇكتەگەن مىندەتتەردى ساپالى ورىنداۋىمىز كەرەك. وسى جولدا ءبارىمىز بىرگە، ناتيجەلى ەڭبەك ەتەمىز دەپ سەنەمىن»، - دەدى سەنات سپيكەرى.
"ادىرنا" ۇلتتىق پورتالى
