تىكتوك جەلىسىندە قاۋىپتى ويىن پايدا بولدى. ونى ويناعان 13 جاستاعى قىز وزىنە-ءوزى قول سالدى. جەلىدە ەلدىڭ زارەسىن ۇشىراتىن اۋديوجازبا تارادى، دەپ حابارلايدى “ادىرنا” ۇلتتىق پورتالى.
استانا تەلەارناسىنىڭ مالىمەتىنشە، ۆيدەو ءاۆتورىوزىن سۋيتسيد جاساپ قايتىس بولعان جەتكىنشەكتىڭ اكەسىمىن دەپ تانىستىرادى. اتا-انالارعا ەسكەرتۋ جاساپ، بالالارىنىڭ ۇيالى تەلەفونىن تەكسەرۋگە شاقىرعان.
13 جاستاعى قىز ۇيدەگى باسپالداقتا اسىلىپ، قايتىس بولعان. جەتكىنشەكتىڭ اكەسى وعان تىكتوك-تاعى ويىن كىنالى دەيدى. ايتۋىنشا، پلاتفورمادا جاڭا ويىن پايدا بولعان. ونىڭ ءوز شارتتارى بار. الدىمەن بالا تامىرىن كەسسە، كەيىن اسىلىپ ولەدى.
«بالالارىڭىزدىڭ تەلەفونىن تەكسەرىڭىزدەر. مەن ارى قاراي قالاي ءومىر سۇرەرىمدى، نە ىستەرىمدى بىلمەيمىن. بارلىعى تەلەفوننىڭ كەسىرىنەن»، - دەيدى قايتىس بولعان قىزدىڭ اكەسى.
مارقۇمنىڭ اكەسى قىزىمنان ايىرىلعان كۇنى تارازدا تاعى ەكى وقۋشى ءوز-وزىنە قول جۇمساعان دەيدى. الايدا ولار ۇيالى تەلەفونداعى ويىندى ءوشىرىپ ۇلگەرگەن. حابارلامانىڭ راس-وتىرىگىن انىقتاۋ ءۇشىن جامبىل وبلىستىق پوليتسيا دەپارتامەنتىنە حابارلاستىق. قۇزىرلىلار بۇل اقپاراتتىڭ شىندىققا جاناسپايتىنىن ايتتى.
«جامبىل وبلىسىنىڭ پوليتسيا دەپارتامەنتى اتالعان اقپاراتتىڭ شىندىققا جاناسپايتىنىن حابارلايدى. اعىمداعى جىلدىڭ باسىنان بەرى وبلىس اۋماعىندا كامەلەتكە تولماعاندار اراسىندا سۋيتسيد دەرەكتەرى تىركەلمەگەن»، - دەدى وبلىستىق پوليتسيا دەپارتامەنتىنىڭ ءباسپاسوز حاتشىسى گۇلسارا مۇحتارقۇلوۆا.
ايتا كەتەيىك، ەلىمىزدە جەتكىنشەكتەر اراسىندا ينتەرنەتتەن جاپا شەككەندەر سانى 10 ەسە وسكەن. بىلتىر 100-دەن استام جەتكىنشەك كيبەربۋللينگتىڭ قۇربانى بولدى.
