الماتى اكىمدىگىندەگى قۇرىلىمدىق وزگەرىستەر – قوعام تالابى. ب. بايبەك

523

الماتى قالالىق ماسەليحاتىنىڭ كەزەكتەن تىس سەسسياسىنا قالا اكىمى ب. بايبەك پەن ونىڭ ورىنباسارلارى قاتىسىپ، اكىمدىكتىڭ جاڭا قۇرىلىمدارىن بەكىتۋ تۋرالى ماسەلە قارالدى.

الماتى قالاسىنىڭ اكىمى باۋىرجان بايبەكتىڭ ايتۋىنشا، وزگەرىستەر «الماتى – 2020» ستراتەگيالىق باعدارلاماسى قابىلدانعالى بەرى ء(ۇش جىل بويى) دايىندالعان.

«جاڭا قۇرىلىمداردىڭ قابىلدانۋى قوعام تالابىنان تۋىپ وتىر. ءبىرىنشى كەزەكتە ەكولوگيانىڭ جاقسارۋى، قاۋىپسىزدىكتى قامتاماسىز ەتۋ، ادامدارعا ىڭعايلى ورتا جاساۋ، قالانىڭ تاريحي كەلبەتىن ساقتاۋ ارقىلى قالانىڭ جاڭا كەڭىستىگىن قۇرۋ. قوعام، سوتسيۋم، قالا، ۋربانيستيكا سوزدەرى 9 باسقارمانىڭ اتاۋىنان كورىنىس تاۋىپ وتىر»، – دەدى اكىم.

ءوز كەزەگىندە قالا اكىمىنىڭ ورىنباسارى اسەل ءجۇنىسوۆا: «جاڭا قۇرىلىم ءبىزدىڭ الدىمىزدا تۇرعان مىندەتتەردى اتقارۋعا، ستراتەگيالىق جانە باعدارلامالىق قۇجاتتارعا، قوعام سۇرانىسىنا سايكەس قۇرىلادى. 12 باسقارمانىڭ اتاۋى وزگەرەدى، 5 باسقارما تاراتىلىپ، ولاردىڭ فۋنكتسياسى باسقا قۇرىلىمدارعا بەرىلەدى»، – دەدى. ونىڭ ايتۋىنشا، بۇل وزەگىس باسقارمالاردىڭ باسقارۋشى قۇرامىن 12 پايىيزعا قىسقارتۋعا مۇمكىندىك بەرەدى.

الدىمەن بىرىكتىرىلەتىن 9 باسقارماعا توقتالايىق:
1. ىشكى ساياسات باسقارماسى، جاستار ساياساتى جونىندەگى باسقارما، ءدىن ىستەرى جونىندەگى باسقارما – قوعامدىق دامۋ باسقارماسى;
2. مەملەكەتتىك ساۋلەت-قۇرىلىس باقىلاۋ باسقارماسى مەن جەردىڭ پايدالانىلۋى مەن قورعالۋىن باقىلاۋ باسقارماسى – قالا قۇرىلىسى باقىلاۋى باسقارماسى;
3. ەڭبەك ينسپەكتسياسى جانە كوشى-قون جانە جۇمىسپەن قامتۋ جانە الەۋمەتتىك باعدارلامالار باسقارمالارى – الەۋمەتتىك ءال-اۋقات باسقارماسى;
4. اۋىل شارۋاشىلىعى باسقارماسى مەن كاسىپكەرلىك جانە يندۋستريالدى-يننوۆاتسيالىق دامۋ باسقارماسى – كاسىپكەرلىك جانە ينۆەستيتسيا باسقارماسى بولىپ بىرىكتىرىلەدى.

جاڭادان  قۇرىلعان ءتورت باسقارمادان بولەك 12 باسقارمانىڭ اتاۋى تومەندەگىدەي وزگەرەدى:
1. قۇرىلىس باسقارماسى – ىڭعايلى قالا ورتاسى باسقارماسى;
2. تابيعي رەسۋرستار جانە تابيعاتتى پايدالانۋدى رەتتەۋ باسقارماسى –جاسىل ەكونوميكا باسقارماسى;
3. ەنەرگەتيكا جانە كوممۋنالدى شارۋاشىلىق باسقارماسى – ەنەرگوتيىمدىلىك جانە ينفراقۇرىلىمدىق دامۋ باسقارماسى;
4. جولاۋشىلار كولىگى جانە اۆتوموبيل جولدارى باسقارماسى – قالالىق موبيلدىلىك باسقارماسى;
5. قارجى باسقارماسى – مەملەكەتتىك اكتيۆتەر باسقارماسى;
6. ساۋلەت جانە قالا قۇرىلىسى باسقارماسى – قالالىق جوسپارلاۋ جانە ۋربانيستيكا باسقارماسى;
7. ەكونوميكا جانە بيۋدجەتتىك جوسپارلاۋ باسقارماسى – بيۋدجەت ستراتەگياسى باسقارماسى;
8. تۇرعىن ءۇي جانە تۇرعىن ءۇي ينسپەكتسياسى باسقارماسى – تۇرعىن ءۇي ساياساتى باسقارماسى;
9. تۋريزم جانە سىرتقى بايلانىستار باسقارماسى – تۋريزم باسقارماسى;
10. دەنساۋلىق ساقتاۋ باسقارماسى – قوعامدىق دەنساۋلىق باسقارماسى;
11. مادەنيەت جانە ارحيۆ باسقارماسى – مادەنيەت باسقارماسى;
12. دەنە شىنىقتىرۋ جانە سپورت باسقارماسى – سپورت باسقارماسى دەپ اتالاتىن بولدى.

جاسۇلان ناۋرىءزالى،
"ادىرنا" ۇلتتىق پورتالى

پىكىرلەر