Almaty ákimdigindegi qurylymdyq ózgerister – qoǵam talaby. B. Baıbek

1936
Adyrna.kz Telegram

Almaty qalalyq Máselıhatynyń kezekten tys sessııasyna qala ákimi B. Baıbek pen onyń orynbasarlary qatysyp, ákimdiktiń jańa qurylymdaryn bekitý týraly másele qaraldy.

Almaty qalasynyń ákimi Baýyrjan Baıbektiń aıtýynsha, ózgerister «Almaty – 2020» strategııalyq baǵdarlamasy qabyldanǵaly beri (úsh jyl boıy) daıyndalǵan.

«Jańa qurylymdardyń qabyldanýy qoǵam talabynan týyp otyr. Birinshi kezekte ekologııanyń jaqsarýy, qaýipsizdikti qamtamasyz etý, adamdarǵa yńǵaıly orta jasaý, qalanyń tarıhı kelbetin saqtaý arqyly qalanyń jańa keńistigin qurý. Qoǵam, soıým, qala, ýrbanıstıka sózderi 9 basqarmanyń ataýynan kórinis taýyp otyr», – dedi ákim.

Óz kezeginde qala ákiminiń orynbasary Ásel Júnisova: «Jańa qurylym bizdiń aldymyzda turǵan mindetterdi atqarýǵa, strategııalyq jáne baǵdarlamalyq qujattarǵa, qoǵam suranysyna sáıkes qurylady. 12 basqarmanyń ataýy ózgeredi, 5 basqarma taratylyp, olardyń fýnkııasy basqa qurylymdarǵa beriledi», – dedi. Onyń aıtýynsha, bul ózegis basqarmalardyń basqarýshy quramyn 12 paıyızǵa qysqartýǵa múmkindik beredi.

Aldymen biriktiriletin 9 basqarmaǵa toqtalaıyq:
1. Ishki saıasat basqarmasy, Jastar saıasaty jónindegi basqarma, Din isteri jónindegi basqarma – Qoǵamdyq damý basqarmasy;
2. Memlekettik sáýlet-qurylys baqylaý basqarmasy men Jerdiń paıdalanylýy men qorǵalýyn baqylaý basqarmasy – Qala qurylysy baqylaýy basqarmasy;
3. Eńbek ınspekııasy jáne Kóshi-qon jáne Jumyspen qamtý jáne áleýmettik baǵdarlamalar basqarmalary – Áleýmettik ál-aýqat basqarmasy;
4. Aýyl sharýashylyǵy basqarmasy men Kásipkerlik jáne ındýstrıaldy-ınnovaııalyq damý basqarmasy – Kásipkerlik jáne ınvestıııa basqarmasy bolyp biriktiriledi.

Jańadan  qurylǵan tórt basqarmadan bólek 12 basqarmanyń ataýy tómendegideı ózgeredi:
1. Qurylys basqarmasy – Yńǵaıly qala ortasy basqarmasy;
2. Tabıǵı resýrstar jáne tabıǵatty paıdalanýdy retteý basqarmasy –Jasyl ekonomıka basqarmasy;
3. Energetıka jáne kommýnaldy sharýashylyq basqarmasy – Energotıimdilik jáne ınfraqurylymdyq damý basqarmasy;
4. Jolaýshylar kóligi jáne avtomobıl joldary basqarmasy – Qalalyq mobıldilik basqarmasy;
5. Qarjy basqarmasy – Memlekettik aktıvter basqarmasy;
6. Sáýlet jáne qala qurylysy basqarmasy – Qalalyq josparlaý jáne ýrbanıstıka basqarmasy;
7. Ekonomıka jáne bıýdjettik josparlaý basqarmasy – Bıýdjet strategııasy basqarmasy;
8. Turǵyn úı jáne turǵyn úı ınspekııasy basqarmasy – Turǵyn úı saıasaty basqarmasy;
9. Týrızm jáne syrtqy baılanystar basqarmasy – Týrızm basqarmasy;
10. Densaýlyq saqtaý basqarmasy – Qoǵamdyq densaýlyq basqarmasy;
11. Mádenıet jáne arhıv basqarmasy – Mádenıet basqarmasy;
12. Dene shynyqtyrý jáne sport basqarmasy – Sport basqarmasy dep atalatyn boldy.

Jasulan NAÝRYZÁLI,
"Adyrna" ulttyq portaly

Pikirler