«ارسەلورميتتال تەمىرتاۋ» اق-نا قاراستى جەو-2-گە قاتىستى جوسپاردان تىس تەكسەرۋ جۇرگىزىلدى، دەپ حابارلايدى “ادىرنا” ءتىلشىسى.
ەنەرگەتيكا مينيسترلىگىنىڭ مالىمەتىنشە اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ قاراعاندى وبلىسى بويىنشا اۋماقتىق دەپارتامەنتىنە تەمىرتاۋ قالاسىنىڭ اكىمدىگى وسى جىلىتۋ ماۋسىمى باستالعالى بەرى تىركەلگەن «ارسەلور ميتتال تەمىرتاۋ» اق جەو-2 بويىنشا جىلۋ جەلىلەرى جۇمىسىنىڭ تەمپەراتۋرالىق كەستەسىن ساقتاماۋ جاعدايلارىنا بايلانىستى جۇگىنگەن.
«وسى فاكت بويىنشا 2022 جىلعى 28 جەلتوقساننان 2023 جىلعى 9 قاڭتارعا دەيىن دەپارتامەنت ەلەكتر ەنەرگەتيكاسى سالاسىنداعى نورماتيۆتىك قۇقىقتىق اكتىلەر تالاپتارىنىڭ ساقتالۋىنا جوسپاردان تىس تەكسەرۋ جۇرگىزدى. تەكسەرۋ قورىتىندىسى بويىنشا 2023 جىلعى 10 قاڭتاردا تەكسەرۋ بارىسىندا انىقتالعان بۇزۋشىلىقتاردى جويۋ، اتاپ ايتقاندا، تەمىرتاۋ قالاسىنىڭ تۇتىنۋشىلارىن سەنىمدى جىلۋمەن قامتاماسىز ەتۋ ءۇشىن كۇل ۇستايتىن قوندىرعىلاردى جوندەۋ جانە بۋ قازاندىقتارىنىڭ ونىمدىلىگىن ارتتىرۋ بويىنشا ءتيىستى نۇسقاما بەرىلدى»، - دەلىنگەن حابارلامادا.
