قازاق ەلىندەگى اقش-تىڭ توتەنشە جانە وكىلەتتى ەلشىسى دەنيەل روزەنبليۋم قازاق حالقىن جاڭا جىل مەرەكەسىمەن قازاق تىلىندە قۇتتىقتادى، دەپ حابارلايدى "ادىرنا" ۇلتتىق پورتالى.
ەلشىنىڭ قازاق تىلىندەگى ۆيدەوقۇتتىقتاۋى الەۋمەتتىك جەلىدە جاريالاندى.
"قۇرمەتتى دوستار، قازاقستاندا العاش رەت جاڭا جىلدى سىزدەرمەن بىرگە قارسى الىپ جاتقانىما قۋانىشتىمىن. بۇل جىل بارلىعىمىز ءۇشىن وڭاي بولعان جوق. بىراق كەلەر جىلعا سەنىمىمىز زور. كەلەر جىل ويىڭىزداعىداي قۋانىشتى ساتتەرگە تولى بولسىن. اقش وكىلدىگىنىڭ اتىنان بارشاڭىزعا جاڭا جىلدا دەنساۋلىق، مولشىلىق، بەيبىت ءومىر تىلەيمىن", - دەدى ەلشى ءوز قۇتتىقتاۋىندا.
"ادىرنا" ۇلتتىق پورتالى
